പുകയില ചാക്ക് ഉപേക്ഷിച്ച് പ്രതി രക്ഷപ്പെട്ടു

ആലുവ: രണ്ട് ചാക്ക് നിരോധിത പുകയില ഉത്പന്നങ്ങള്‍ ഉപേക്ഷിച്ച് പ്രതികള്‍ ഓടി രക്ഷപ്പെട്ടു. ഹാന്‍സ് ഉള്‍പ്പെടെയുള്ള പുകയില ഉത്പന്നങ്ങള്‍ കടത്തുന്നതായി വിവരം ലഭിച്ചതിനെ തുടര്‍ന്നെത്തിയ പോലീസിനെ കണ്ടാണ് പ്രതികള്‍ രക്ഷപ്പെട്ടത്. ആലുവ ഉളിയന്നൂര്‍ സ്വദേശി അയൂബും (45) കൂട്ടാളിയുമാണ് പോലീസിനെ കബളിപ്പിച്ച് രക്ഷപ്പെട്ടത്. പോലീസിനെ കണ്ടയുടന്‍ വാഹനത്തില്‍ നിന്ന് ചാക്കുകള്‍ പുറത്തേക്ക് തള്ളിയിട്ട ശേഷം പ്രതികള്‍ വാഹനത്തില്‍ രക്ഷപ്പട്ടെന്നാണ് പോലീസ് പറയുന്നത്. നിരവധി കേസുകളില്‍ പ്രതിയായ അയൂബാണ് വാഹനത്തിലുണ്ടായിരുന്ന മുഖ്യപ്രതിയെന്നും തിരിച്ചറിഞ്ഞതായി പോലീസ് പറഞ്ഞു.