പുത്തൂര്: മഴ പെയ്താല് മുട്ടറ്റം വെള്ളം കയറുന്ന ആരോഗ്യ ഉപകേന്ദ്രം. വീഴാറായ കൂരയ്ക്ക് കീഴില് ജീവനും കയ്യിലെടുത്ത് നാട്ടുകാര്. ആരോഗ്യം സംരക്ഷിക്കാന് പൊരീക്കലിലെ ഉപകേന്ദ്രത്തിലെത്തുന്നവര് നേരെചൊവ്വെ മടങ്ങണമെങ്കില് ഉടയതമ്പുരാന് കനിയണം.
പവിത്രേശ്വരം പ്രാഥമിക ആരോഗ്യ കേന്ദ്രത്തിന്റെ കീഴില് ഇടവട്ടം പൊരിക്കല് പ്രവര്ത്തിക്കുന്ന ആരോഗ്യ ഉപകേന്ദ്രത്തിന്റെ സ്ഥിതിയാണ് അപകടാവസ്ഥയിലായത്. ഗര്ഭിണികള്ക്ക് പോഷകാഹാരവും മരുന്നും കൊടുക്കുന്നതിന് വേണ്ടിയുള്ളതാണ് ഈ കേന്ദ്രം.
എത് നിമിഷവും നിലംപൊത്താവുന്ന സ്ഥിതിയിലാണ് കെട്ടിടം. നനഞ്ഞ് കുതിര്ന്നിരിക്കുന്ന മതില് എപ്പോള് വേണമെങ്കിലും തകര്ന്നേക്കാമെന്ന അവസ്ഥയിലാണ്. കെട്ടിടത്തിന്റെ പിറകുവശത്തെ മുഴുവന് ഓടുകളും ഇളകിമാറിയിട്ടുണ്ട്. ജീവന് പണയം വച്ചാണ് ജീവനക്കാര് ജോലി ചെയ്യുന്നത്. പഞ്ചാ: സെക്രട്ടറിയെ അറിയിച്ചിട്ടും അദ്ദേഹം തിരിഞ്ഞു നോക്കിയിട്ടില്ല. പഞ്ചായത്ത് പ്രസിഡന്റ് ധന്യാകൃഷ്ണന്റെ സ്വന്തം വാര്ഡായിട്ടും നാഥനില്ലാത്ത അവസ്ഥയിലാണ് ആരോഗ്യ ഉപകേന്ദ്രം.
