കല്ലടിക്കോട്: ദേശീയ പാതയോരത്ത് കല്ലടിക്കോട് കാട്ടുശ്ശേരി അയ്യപ്പന്‍കാവിനു സമീപം ഇന്നലെ അര്‍ദ്ധരാത്രിയോടെ ഇറങ്ങിയ കാട്ടാന അമര്‍ ജ്യോതി വിശ്വനാഥന്‍,ചങ്ങരത്ത് മണികണ്ഠന്‍ എന്നിവരുടെ വീടിന്റെ മതിലുകള്‍ തകര്‍ത്തു.
ശബ്ദം കേട്ട് പുറത്തിറങ്ങിയ ഇവര്‍ ആനയെ നേരില്‍ കാണുകയും ചെയ്തു.സമീപ പ്രദേശങ്ങളിലും ആന ഇറങ്ങുന്നതു മൂലം ജനജീവിതം ദുഃസഹമായിരിക്കുകയാണ.് പല കര്‍ഷകരും കൃഷിയിടങ്ങളില്‍ വൈദ്യുതികരണം ചെയ്തിട്ടുണ്ടെങ്കിലും ഇവയെ മറികടന്നാണ് ആനകള്‍ ജനവാസ മേഖലയിലേക്ക് വരുന്നത്.
കടുത്ത വേനല്‍ക്കാലത്ത് വെള്ളത്തിനു വേണ്ടിയാണ് ആന ഇറങ്ങുന്നതെങ്കില്‍ മഴ കനത്തിട്ടും ആന ഇറങ്ങുന്നത് ജനങ്ങളില്‍ പരിഭ്രാന്തി പരത്തുന്നു.കരിമ്പ ഗ്രാമ പഞ്ചായത്ത് വൈസ് പ്രസിഡന്റ് തങ്കച്ചന്‍,ഫോറസ്റ്റ് ഉദ്യോഗസ്ഥര്‍ തുടങ്ങിയവര്‍ സ്ഥലം സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: