തൃശൂര്: കേരള വിജയയാത്രയുടെ ഭാഗമായി തൃശൂരില് എത്തിച്ചേരുന്ന ശൃംഗേരി ശ്രീശാരദാപീഠം ഭാരതി തീര്ത്ഥ ശങ്കരാചാര്യ സ്വാമികള്ക്കും ഉത്തരാധികാരി വിധുശേഖര ഭാരതി ശങ്കരാചാര്യസ്വാമിക്കും സ്വീകരണം നല്കും. വൈകീട്ട് അഞ്ചുമണിക്ക് പൂങ്കുന്നം സെന്ററില് എത്തിച്ചേരുന്ന സ്വാമിജിമാരെ പഞ്ചവാദ്യത്തിന്റെ അകമ്പടിയോടെ പുഷ്പഗിരി അഗ്രഹാരത്തിലേക്ക് ആനയിക്കും. സ്വീകരണയോഗത്തിനുശേഷം ഭാരതി തീര്ത്ഥസ്വാമികളും വിധുശേഖര ഭാരതിസ്വാമികളും അനുഗ്രഹപ്രഭാഷണം നടത്തും. രാത്രി 8.30മുതല് സീതാരാമസ്വാമിക്ഷേത്രത്തിന്റെ പുതിയ കെട്ടിടസമുച്ചയത്തില് ആചാര്യര് ചന്ദ്രമൗലീശപൂജ നടത്തും.
25ന് രാവിലെ 8 മണിക്ക് ശ്രീവടക്കുന്നാഥക്ഷേത്രം, പുഷ്പഗിരി സീതാരാമസ്വാമിക്ഷേത്രം എന്നിവിടങ്ങളില് ശങ്കരാചാര്യസ്വാമിജിമാര് ദര്ശനം നടത്തും. രാവിലെ 10മണിമുതല് പുഷ്പഗിരി സീതാരാമ ക്ഷേത്രംഹാളില് ഭക്തജനങ്ങള്ക്ക് ദര്ശനം നല്കും.
