ചെങ്ങന്നൂര്: സംഘടിത മേഖലയിലെ പരമ്പരാഗത തൊഴിലില് ഏര്പ്പെട്ടിരിക്കുന്നവര്ക്ക് അനുവദിച്ച ഇഎസ്്ഐ ആനുകൂല്യം അസംഘടിത മേഖലയിലെ പരമ്പരാഗത നിര്മ്മാണതൊഴിലാളികള്ക്കു കൂടി അനുവദിച്ച കേന്ദ്ര തീരുമാനം സ്വാഗതാര്ഹമാണെന്ന് അഖില കേരള വിശ്വകര്മ്മ മഹാ സഭ സംസ്ഥാന പ്രസിഡന്റ് അഡ്വ.പി.ആര്. ദേവദാസ് പറഞ്ഞു.
നരേന്ദ്രമോദി സര്ക്കാരിന് രാജ്യമെമ്പാടുമുള്ള പരമ്പരാഗത തൊഴിലാളികളുടെ പിന്തുണ ഉണ്ടാകും.
തൊഴിലുടമയുടെ വിഹിതം ആര് അടയ്ക്കും എന്നുള്ള തര്ക്കമാണ് അസംഘടിത മേഖലയിലെ പരമ്പരാഗത തൊഴിലാളികള്ക്ക് ഇഎസ്ഐ അനുവദിക്കുന്നതിന് തടസ്സമായി നിന്നത്. സ്ഥിരമായി തൊഴിലുടമകള് ഇല്ലാത്ത വിഭാഗമെന്ന നിലയില് ഇത് സര്ക്കാര് തന്നെ അടയ്ക്കണം എന്നതായിരുന്നു സഭയുടെ ചിരകാലമായുള്ള ആവശ്യം.
ഈ വിധത്തില് തൊഴില് ഉടമയുടെ വിഹിതം സര്ക്കാര് അടച്ച് അസംഘടിത മേഖലയിലെ പരമ്പരാഗത തൊഴിലാളികള്ക്കു കൂടി ഇഎസ്ഐ അനുവദിക്കാന് തയ്യാറാകണമെന്ന് അഖില കേരള വിശ്വകര്മ്മ മഹാസഭ ബോര്ഡ് ഓഫ് ഡയറക്ടേഴ്സ് യോഗം പ്രധാനമന്ത്രിയോടും വകുപ്പ് മന്ത്രി ബന്ദാരു ദത്താത്രേയയോടും അഭ്യര്ത്ഥിച്ച് നിവേദനം നല്കിയിരുന്നു. ഇപ്പോള് ഈ വിഷയത്തില് ഉണ്ടായ സര്ക്കാര് തീരുമാനം രാജ്യത്തെ 9 കോടിയോളം വരുന്ന അസംഘടിത മേഖലയിലെ പരമ്പരാഗത തൊഴിലാളികള്ക്ക് ആശ്വാസമാകും.
സംസ്ഥാന വര്ക്കിംഗ് പ്രസിന്റ് പി.വാമദേവന്, ട്രഷറര് വി.രാജപ്പരന്, വൈ.പ്രസി.മാരായ വി.രാജഗോപാല്, അഡ്വ.വി.എന്.ശശിധരന്, വി.ഏ.അഫ്സലന്, കരമന ബാലകൃഷ്ണന്, സെക്രട്ടറിമാരായ ചിത്രാസ് സോമന്, കെ.മുരളീധരന്, മഹിളാ സംഘം സംസ്ഥാന പ്രസിഡന്റ് സരസ്വതി അമ്മാള്, ട്രഷറര് സുജാത മോഹനന്, യുവജനസംഘംപ്രസിഡന്റ് എസ്.സുരേഷ്, വര്ക്കിംഗ് ജന.സെക്രട്ടറി കെ.പി.സുനില് കുമാര് എന്നിവര് സംസാരിച്ചു.
