ചെങ്ങന്നൂര്: സംസ്ഥാന പാതയില് ഉപേക്ഷിക്കപ്പെട്ട നിലയില് കണ്ടെത്തിയ വാഹനം നടിയെ തട്ടികൊണ്ടുപോയ കേസില് പിടിയിലായ പള്സര് സുനി ആദ്യം രക്ഷപ്പെടാന് ഉപയോഗിച്ച വാഹനമാണെന്ന സംശയം. എംസി റോഡില് മുളക്കുഴ പളളിപ്പടി സോഡാഫാക്ടറിക്ക് സമീപമാണ് 19ന് പുലര്ച്ചെ വാഹനം ഉപേക്ഷിക്കപ്പെട്ട നിലയില് കണ്ടത്.
ചെങ്ങന്നൂര് പോലീസില് വിവരമറിയിച്ചെങ്കിലും രണ്ടുദിവസത്തിനുശേഷമാണ് കസ്റ്റഡിയിലെടുത്തത്. പിന്ഭാഗം മൂടിക്കെട്ടിയ നിലയിലുളള എയ്സ് വാഹനമാണ് ഇത്. സുനി എറണാകുളത്തുനിന്നും രക്ഷപെട്ടശേഷം തിരുവല്ല ചക്കുളത്ത്കാവിലെത്തി ഇവിടെ ഒരു ധനകാര്യസ്ഥാപനത്തില് മാല പണയം വെച്ച് പണം വാങ്ങിയതായും സുനി രക്ഷപെട്ടത് പെട്ടി ഓട്ടോറിക്ഷാ പോലുളള വാഹനത്തിലാണെന്നും പൊലീസ് കണ്ടെത്തിയിരുന്നു. ഇത് മനസിലാക്കിയ സുനി മുളക്കുഴയില് വാഹനം ഉപേക്ഷിച്ച് രക്ഷപെട്ടതായാണ് നിഗമനം.
നിര്ണ്ണായകമായ വിവരം ലഭിച്ചിട്ടും വാഹനം കസ്റ്റഡിയിലെടുക്കാനും പരിശോധിക്കാനും പോലീസ് തയ്യാറായില്ല. എന്നാല് ഉന്നത പോലീസ് ഉദ്യോഗസ്ഥര് വിവരം അറിഞ്ഞതോടെ വാഹനം ചെങ്ങന്നൂര് പോലീസില് നിന്നും ഏറ്റെടുത്തു. യുവതിയുടെ പേരില് രജിസറ്റര് ചെയ്തിട്ടുളള വാഹനത്തില് താക്കോലും ആര്സി ബുക്കും മറ്റ് രേഖകളും ഉപേക്ഷിച്ചിരുന്നു.
ഇതിനിടെ പള്സര് സുനി ചെങ്ങന്നൂരിലെത്തിയതായി രഹസ്യാന്വേഷണ ഉദ്യോഗസ്ഥരും സ്ഥിരീകരിച്ചു. സുനി കോടതിയില് കീഴടങ്ങാന് സാധ്യത ഉണ്ടെന്ന അഭ്യൂഹം പരന്നതിനെ തുടര്ന്ന് ചെങ്ങന്നൂര് കോടതി പരിസരത്ത് രഹസ്യ പോലീസ് നിരീക്ഷണം ശക്തമാക്കിയിരുന്നു. പോലീസ് സുനിക്കായി ചെങ്ങന്നൂരില് വലവിരിച്ച് കാത്തിരുന്നപ്പോഴും വാഹനം മുളക്കുഴയിലെ വഴിയരികില് ഉപേക്ഷിക്കപ്പെട്ട നിലയില് കിടന്നത് കണ്ടെത്തുവാനോ പരശോധിക്കുവാനോ കഴിയാതിരുന്നത് വന് വീഴ്ചയാണ്.
