മാവുങ്കാല്‍: അജാനൂര്‍ ശ്രീമദ് പരശിവ വിശ്വകര്‍മ്മ ക്ഷേത്രത്തില്‍ ശിവരാത്രി ദിനമായ ഇന്നലെ വിശ്വകര്‍മ്മ ദേവന് ലക്ഷം ദീപം സമര്‍പ്പിച്ചു. ഉത്സവാഘോഷത്തോടനുബന്ധിച്ച് രാവിലെ 10ന് സര്‍വ്വൈശ്വര്യ വിളക്ക് പൂജ രാത്രി ഉത്സവ എഴുന്നള്ളത്തും നടന്നു. വൈകുന്നേരം നടന്ന ദീപ സമര്‍പ്പണത്തിനായി സംസ്ഥാനത്തിന്റെ വിവിധ ഭാഗങ്ങളില്‍ നിന്നും ഇതര സംസ്ഥാനങ്ങളില്‍ നിന്നും നിരവധി ഭക്തജനങ്ങളെത്തിയിരുന്നു. ലക്ഷം ദീപം സമര്‍പ്പണത്തിനാവശ്യമായ സാമഗ്രികള്‍ കരാര്‍ അടിസ്ഥാനത്തില്‍ വരുത്തുന്ന രീതി ഒഴിവാക്കി ഇതിനാവശ്യമായ മണ്‍ചിരാത്, എണ്ണ, തിരികള്‍, എന്നിവ നേരിട്ടു വാങ്ങി സംഭരിച്ചും, മരങ്ങള്‍ കൊണ്ടുള്ള വിളക്ക് തട്ടുകള്‍ സ്വയം നിര്‍മ്മിച്ചുമാണ് ചടങ്ങ് പൂര്‍ത്തികരിച്ചത്.
വിശ്വകര്‍മ്മ ദേവനെ കൂടാതെ നാഗലിംഗ ഗുരുസ്വാമി, കാളിക പരമേശ്വരി, അന്നപൂര്‍ണ്ണേശ്വരി, മഹാഗണപതി, നാഗഗുളിക രാജക്കന്മാര്‍ എന്നീ മൂര്‍ത്തികളുടെ സങ്കേതമായ ഈ മഹാക്ഷേത്രം കാലാനുസൃതമായ മാറ്റങ്ങളോടു കൂടി ദേശീയ തീര്‍ത്ഥാടന കേന്ദ്രമാക്കി മാറ്റാനുള്ള പ്രവര്‍ത്തനങ്ങള്‍ക്ക് തുടക്കം കുറിച്ച പശ്ചാത്തലത്തിലാണ് ലക്ഷം ദീപം സമര്‍പ്പണം നടന്നത്.
പ്രതികരിക്കാൻ ഇവിടെ എഴുതുക: