പൂക്കോട്ടുംപാടം: മാവോയിസ്റ്റ് ഭീഷണി നിലനില്‍ക്കുന്ന പ്രദേശത്തെ സ്റ്റേഷനില്‍ നിന്ന് 19 പോലീസുകാര്‍ക്ക് ഒരുമിച്ച് സ്ഥലമാറ്റം. പൂക്കോട്ടുംപാടം സ്റ്റേഷനിലാണ് ഈ കൂട്ട സ്ഥലമാറ്റം നടന്നിരിക്കുന്നത്. ഇതോടെ സ്റ്റേഷന്റെ പ്രവര്‍ത്തനം താളം തെറ്റുമോയെന്ന ആശങ്കയുയരുന്നു.
മൂന്ന് വര്‍ഷത്തിലൊരിക്കല്‍ സ്ഥലം മാറ്റം പതിവാണെങ്കിലും ഒന്നിച്ചുള്ള മാറ്റം ആദ്യമാണ്. മാറ്റം ലഭിച്ചവരില്‍ ഏഴ് പേര്‍ എഎസ്‌ഐ റാങ്കിലുള്ളവരും ആറ് പേര്‍ സീനിയര്‍ സിപിഒ റാങ്കിലുള്ളവരുമാണ്.
അമരമ്പലം, കരുളായി ഗ്രാമപഞ്ചായത്തുകളാണ് പൂക്കോട്ടുംപാടം സ്റ്റേഷന്റെ പരിധിയിലുള്ളത്. മാവോയിസ്റ്റ് ഭീക്ഷണിയുള്ള സ്റ്റേഷന്‍ കൂടിയാണിത്. വിശാലമായ പഞ്ചായത്തുകളായതിനാല്‍ പുതുതായി വന്നവര്‍ക്ക് സ്ഥല പരിചയമില്ലാത്തത് ഒരു പ്രശ്നമാകുമെന്ന് ഉറപ്പ്.
മാവോയിസ്റ്റ് ഭീഷണി നില നില്‍ക്കുന്നതിനാല്‍ പലപ്പോഴും എസ്‌ഐ കാടിനകത്ത് പരിശോധന നടത്തുന്ന സംഘത്തോടൊപ്പമായിരിക്കും. ഈ സമയങ്ങളില്‍ ക്രമ സമാധാന വിഷയങ്ങള്‍ ഉള്‍പ്പടെ കൈകാര്യം ചെയ്തിരുന്നവരാണ് കൂട്ടത്തോടെ സ്ഥലം മാറി പോകുന്നത. കഴിഞ്ഞ് വര്‍ഷം സ്ഥലം മാറ്റം നടക്കാത്തതാണ് ഇത്രയും പേര്‍ക്ക് ഒന്നിച്ച് സ്ഥലം മാറ്റം ലഭിക്കാന്‍ കാരണം.
പ്രതികരിക്കാൻ ഇവിടെ എഴുതുക: