ഹൂസ്റ്റണ്: വംശവെറിക്ക് ഇരയായി അമേരിക്കയില് വെടിയേറ്റു മരിച്ച ഇന്ത്യക്കാരനെ അനുസ്മരിച്ച് കന്സാസ് നഗരത്തില് അനുസ്മരണ റാലി.
നൂറുകണക്കിന് പേര് റാലിയില് പങ്കെടുത്തു. ഒരു പബ്ബിലുണ്ടായ ആക്രമണത്തിലാണ് ശ്രീനിവാസ് കുച്ചിഭോട്ല കൊല്ലപ്പെട്ടത്.
‘ഞങ്ങള് സമാധാനത്തെ ഇഷ്ടപ്പെടുന്നു, ഞങ്ങള്ക്ക് സമാധാനം വേണം. ഞങ്ങളുടെ കുഞ്ഞുങ്ങളെ ഉപേക്ഷിക്കില്ല, ഐക്യമാണ് സമൂഹത്തിന്റെ കാതല്, ഭിന്നിച്ച് നിന്നാല് നാം വീണ് പോകും’ തുടങ്ങിയ മുദ്രാവാക്യങ്ങള് ആലേഖനം ചെയ്ത ബാനറുകളും ഉയര്ത്തിപ്പിടിച്ചായിരുന്നു ജനങ്ങള് റാലിയില് പങ്കെടുത്തത്. വെറുപ്പിന്റെ രാഷ്ട്രീയം പ്രോത്സാഹിപ്പിക്കരുതെന്നും റാലി ആവശ്യപ്പെടുന്നു.
സമാധാന റാലിയിലും പ്രാര്ത്ഥനയിലും ശ്രീനിവാസന്റെ സുഹൃത്തുക്കളും സഹപ്രവര്ത്തകരും പങ്കെടുത്തു. വിവിധ മതങ്ങളില് നിന്നുള്ള പുരോഹിതരും പ്രാര്ത്ഥനകള്ക്ക് നേതൃത്വം നല്കി. ചടങ്ങില് സംസാരിച്ച പലരും ശ്രീനിവാസനുമായുളള ബന്ധത്തെക്കുറിച്ച് ഓര്മകള് പങ്ക് വച്ചു.
