കോട്ടയം: ബിജെപി പ്രവര്ത്തകരെയും ഓഫീസുകളും ആക്രമിച്ച് സിപിഎം കേരളത്തെ കലാപഭൂമിയാക്കിയെന്നും ഇതിന് പിന്നില് മുഖ്യമന്ത്രി പിണറായി വിജയനാണെന്നും ബിജെപി ദേശീയ നിര്വാഹക സമിതി അംഗം പി.കെ. കൃഷ്ണദാസ്. മാര്കിസ്റ്റ് അക്രമത്തിനും ഭീകരതയ്ക്കുമെതിരെ എന്ഡിഎ കളക്ടറേറ്റിന് മുന്നില് നടത്തിയ ജനകീയ ധര്ണ്ണ ഉദ്ഘാടനം ചെയ്യുകയായിരുന്നു അദ്ദേഹം.
ലാവ്ലിന്കേസില് കോടതിവിധി അടുത്ത തന്നെ വരാന് പോവുകയാണ്. ഈ കേസില് പ്രതിയാവുമോ എന്ന ഭയം പിണറായിയ്ക്കുണ്ട്. പ്രതിയായല് മുഖ്യമന്ത്രി കസേരയില് ധാര്മ്മികമായി ഇരിയ്ക്കാന് പറ്റില്ല. അധാര്മ്മികമായി സ്ഥാനം നിലനിര്ത്താന് പാര്ട്ടിയെ മുഴുവനായി െൈകപ്പിടിയിലൊതുക്കണം. ഇതിനാണ് പ്രകോപനപരമായ പ്രസംഗം നടത്തി അണികളെ ബിജെപിക്കും ആര്എസ്എസിനുമെതിരെ ഇളക്കി വിട്ടിരിക്കുന്നതെന്ന് കൃഷ്ണദാസ് ആരോപിച്ചു.
കേരളത്തില് കലാപമുണ്ടാക്കാന് നിയോഗിച്ചിരിക്കുന്നത് പിണറായിയുടെ വിശ്വസ്തനായ കണ്ണൂര് ജില്ലാ സെക്രട്ടറി പി.ജയരാജനെയാണ്. ജയരാജന് എവിടെയെല്ലാം വരുമോ അവിടെയെല്ലാം അക്രമം നടക്കും. കള്ളപ്രചാരണങ്ങളിലൂടെയാണ് കലാപം നടത്തുന്നത്. ദല്ഹിയില് യെച്ചൂരിക്കെതെിരെ ഒരാക്രമണവും നടന്നില്ല. ഇക്കാര്യം ചില മാധ്യമങ്ങള് തത്സമയം റിപ്പോര്ട്ട് ചെയ്തതാണ്. എന്നിട്ടും പാര്ട്ടി പത്രം യെച്ചൂരിയെ ആക്രമിച്ചതായി വാര്ത്ത കൊടുത്തു. ഇത് കാണിച്ച് സിപിഎം അണികളെ അഴിച്ച് വിടാന് പ്രേരിപ്പി്ക്കുകയായിരുന്നു.
ഹിന്ദുസേന നടത്തിയ പ്രതിഷേധം ആര്എസ്എസിന്റെയും ബിജെപിയുടെയും തലയില് കെട്ടിവയ്ക്കനായി അക്രമം അഴിച്ച് വിടുകയായിരുന്നു. നടപടിയെടുക്കേണ്ട പോലീസില് എഡിജിപിയും ഡിജിപിയും തമ്മില് ഏറ്റുമുട്ടി കലാപഭൂമിയായെന്നും അദ്ദേഹം പറഞ്ഞു.
ഭീകര പ്രവര്ത്തനത്തെ പിന്തുണയ്ക്കുന്നവരാണ് കമ്മ്യൂണിസ്റ്റുകാരെന്ന് മുഖ്യപ്രഭാഷണം നടത്തിയ ഭാരതീയ വിചാര കേന്ദ്രം സംസ്ഥാന കാര്യദര്ശി് കാ.ഭ.സുരേന്ദ്രന് പറഞ്ഞു. അക്രമവും ഉന്മൂലന പ്രത്യയശാസ്ത്രവുമാണ് കമ്മ്യൂണിസത്തിന്റെ പിന്ബലം. കേരളത്തിലെ സിപിഎം ആരാധിക്കുന്നത് ഏറ്റവും കൂടുതല് കൊല നടത്തിയ സ്റ്റാലിനെയാണ്. മതവികാരം വ്രണപ്പെടുത്തുന്ന വാചകങ്ങളാണ് വി.എസ്് അച്യുതാനന്ദന് നിയമസഭയില് പ്രസംഗിച്ചതെന്നും അദ്ദേഹം പറഞ്ഞു.
ബിഡിജെഎസ് സംസ്ഥാന ട്രഷറര് എ.ജി.തങ്കപ്പന് അദ്ധ്യക്ഷനായി. ബിജെപി സംസ്ഥാന വക്താവ് എസ്. ജയസൂര്യന്,സംസ്ഥാന സമിതി അംഗങ്ങളായ ഏറ്റുമാനൂര് രാധാകൃഷ്ണന്, കെ.ജി. രാജ്് മോഹന്, ജില്ലാ പ്രസിഡന്റ്എന്.ഹരി, ബാലഗോകുലം മേഖല കാര്യദര്ശി ബിജു കൊല്ലപ്പള്ളി, ഹിന്ദുഐക്യവേദി സംസ്്ഥാന സെക്രട്ടറി ആര്.എസ്.അജിത്ത്, കേരള കോണ്ഗ്രസ് ജില്ലാ കണ്വീനര് ജോസ് പന്തപ്പള്ളി, ബിഎംഎസ് ജി്ല്ലാ സെക്രട്ടറി ടി.എം.നളിനാക്ഷന്, നാഷണലിസ്റ്റ് കേരള കോണ്ഗ്രസ് സംസ്ഥാന സെക്രട്ടറി ബിജി മണ്ഡപം, ആര്എസ്എസ് വിഭാഗ് സഹകാര്യവാഹ് ഡി.ശശികുമാര് എന്നിവര് പ്രസംഗിച്ചു.
