കോഴിക്കോട്: കമ്മ്യൂണിസ്റ്റ് ഭീകരവാദവും ഇസ്ലാമിക തീവ്രവാദ പ്രവര്ത്തനങ്ങളുമാണ് രാജ്യം നേരിടുന്ന പ്രധാന വെല്ലുവിളികളെന്ന് ഹിന്ദുഐക്യവേദി സംസ്ഥാന ജനറല്സെക്രട്ടറി ബ്രഹ്മചാരി ഭാര്ഗ്ഗവറാം അഭിപ്രായപ്പെട്ടു. ഹിന്ദുഐക്യവേദി കോഴിക്കോട് ജില്ലാ പ്രതിനിധി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാജ്യത്തിനകത്തു നിന്നും പുറത്തുനിന്നും ഈ ദേശദ്രോഹ ശക്തികള് ഒരേ രീതിയില് രാജ്യത്തിനെതിരെ പ്രവര്ത്തിക്കുകയാണ്. പല ഘട്ടങ്ങളിലും ഇവര് ഒറ്റക്കെട്ടായി പ്രവര്ത്തിക്കുന്നതായും കണ്ടെന്ന് വരാം. രാജ്യത്തിനകത്തും ഇത്തരത്തില് ഭീഷണികള് ഉയര്ന്നുവരുന്നുണ്ട്. ഇസ്ലാമിക തീവ്രവാദ സംഘടനകളും കമ്മ്യൂണിസ്റ്റ് ഭീകരവാദികളും ഒറ്റക്കെട്ടായി ദേശീയതക്കെതിരെ രംഗത്ത് വരുന്നതായി കാണാം. രാജ്യത്തെ ചില ക്യാമ്പസുകളില് നിന്നുയര്ന്ന ദേശവിരുദ്ധ മുദ്രാവാക്യങ്ങള് ഇത്തരം പ്രവര്ത്തനങ്ങളുടെ പ്രതിഫലനമാണ്. ദേശദ്രോഹശക്തികള്ക്കെതിരെ പ്രതികരിക്കാനും രംഗത്തുവരാനും പൊതുസമൂഹം തയ്യാറാകണം. രാജ്യത്തെ കാക്കുകയെന്നത് രാജ്യത്തെ ജനങ്ങളുടെ കൂടി ഉത്തരവാദിത്വമാണ്. ഭീകരവാദ-തീവ്രവാദ പ്രവര്ത്തനങ്ങള്ക്കെതിരെ ജാഗ്രത പുലര്ത്താന് പൊതുസമൂഹം തയ്യാറാകണമെന്നും അദ്ദേഹം കൂട്ടിച്ചേര്ത്തു.
കക്കോടി ശ്രീശങ്കര വിദ്യാമന്ദിരത്തില് നടന്ന ചടങ്ങില് ജില്ലാ അധ്യക്ഷന് കെ.വി. വത്സകുമാര് അധ്യക്ഷത വഹിച്ചു. സംസ്ഥാന സെക്രട്ടറിമാരായ ശശി കമ്മട്ടേരി, അഡ്വ. എ.സി. അംബിക, ജില്ലാരക്ഷാധികാരി ചേറ്റൂര് മാധവന്, മഹിളാ ഐക്യവേദി സംസ്ഥാന സെക്രട്ടറി ശശികല ജയരാജ്, ജില്ലാ പ്രസിഡന്റ് സി.എസ്. സത്യഭാമ തുടങ്ങിയവര് പങ്കെടുത്തു.
സംഘടനാസമ്മേളനത്തില് സദാനന്ദന് അധ്യക്ഷത വഹിച്ചു. ജില്ലാ സംഘടനാ സെക്രട്ടറി കെ. ഷൈനു പ്രവര്ത്തനറിപ്പോര്ട്ടും പ്രേമാനന്ദന് വരവ്ചെലവ്കണക്കും അവതരിപ്പിച്ചു. മനോജ് കക്കോടി, സുരേഷ് ആയഞ്ചേരി, പി.വി. രാജേഷ് എന്നിവര് സംസാരിച്ചു. സമാപനസമ്മേളനത്തില് സംസ്ഥാന സെക്രട്ടറി പി.വി. മുരളീധരന് പ്രഭാഷണം നടത്തി. ജില്ലാ ജനറല്സെക്രട്ടറി ടി.പി. അനില്കുമാര് സ്വാഗതവും ജില്ലാസെക്രട്ടറി ബൈജു കൂമുള്ളി നന്ദിയും പറഞ്ഞു.
പ്രസിഡന്റായി പി. ഗൗതമനെയും ജനറല്സെക്രട്ടറിയായി അനില്മായനാടിനെയും തെരഞ്ഞെടുത്തു.
