ജമ്മു കശ്മീരിനെ ഭീകരരുടെ താഴ്‌വരയാക്കാൻ ഐഎസ് രൂപ രേഖ തയ്യാറാക്കിയിരിക്കുന്നു. ഇന്നത്തെ സാഹചര്യത്തിൽ കശ്മീരിനെ ഒരു സിറിയയാക്കാനുള്ള പുറപ്പാടിലാണ് ഐഎസ്. താഴ്‌വരയിൽ നടപ്പിലാക്കാൻ പോകുന്ന പദ്ധതികളുടെ രൂപരേഖ ഉൾപ്പെടുത്തിയിരിക്കുന്ന പ്രസിദ്ധീകരണം ഐഎസ് ഇതിനോടകം പുറത്ത് വിട്ടിട്ടുണ്ട്.
പാക്കിസ്ഥാൻ സ്പോൺസർ ചെയ്ത ഭീകരവാദം ഇന്ത്യയെ കാർന്നു തിന്നുന്നതിനിടെയാണ് ഐഎസും കശ്മീരിനെ കളങ്കിതമാക്കാൻ മുതിരുന്നത്. ജനാധിപത്യഭരണത്തിനെതിരായ വിദ്വേഷം കശ്മീരിലെ മുസ്ലീം യുവാക്കളിലേക്ക് പകർത്താനും വിശുദ്ധയുദ്ധം നയിക്കാൻ ജിഹാദികളെ സൃഷ്ടിക്കാനുമാണ് ഐഎസ് ഇപ്പോൾ പദ്ധതിയിട്ടിരിക്കുന്നത്. ഹിമാലയൻ താഴ്‌വരയെ കാഫിറുകളുടെ ശവപ്പറമ്പായി മാറ്റാനും ഇവർ ശ്രമം നടത്തുന്നുണ്ട്.
സൈന്യത്തിനെതിരെ ഗറില്ല യുദ്ധമുറകൾ നടത്താൻ യുവാക്കളോട് ഐഎസ് ആവശ്യപ്പെടുന്നുണ്ട്. നിങ്ങൾ ഒരു ശക്തമായ സൈന്യത്തെ മാത്രമല്ല മറിച്ച് വിഗ്രഹാരാധകരെയും പശുവിൻ മൂത്രം കുടിക്കുന്നവരുമായ കാഫിറുകളെയുമാണ് കൊലപ്പെടുത്താൻ പോകുന്നത് തുടങ്ങിയ ആക്രോശങ്ങളോടെയാണ് ഇവർ യുവാക്കളെ സമീപിക്കുന്നത്.
ലിബറൽ ഇസ്ലാമിസത്തെയും കശ്മീരിലെ മത സൗഹാർദ്ദത്തെയും തച്ചുടക്കണം. ഖലീഫ പറഞ്ഞത് പോലുള്ള എട്ടാം നൂറ്റാണ്ടിലെ ശരിയാ നിയമത്തെ ആധാരമാക്കിയുള്ള ഇസ്ലാമിത ജീവിതമാണ് കശ്മീർ മുസ്ലീമുകൾ പരിപോഷിപ്പിക്കേണ്ടതെന്നും ഭീകരർ ആവശ്യപ്പെടുന്നു. വെടിക്കോപ്പുകൾ കൊണ്ട് മാത്രമെ കശ്മീരിനെ കാഫിറുകളുടെ കൈകളിൽ നിന്നും മോചിപ്പിക്കാൻ സാധിക്കുകയുള്ളുവെന്നും ഭീകരർ പറയുന്നു.
ഭുമിയിലെ സ്വർഗമായ കശ്മീരിനെ നരകമാക്കാൻ ശ്രമിക്കുന്ന ഭീകര സംഘടനകൾ അവിടുത്തെ ജനങ്ങളെ മാത്രമല്ല നശിപ്പിക്കുന്നത് മറിച്ച് വലിയ ഒരു ധാർമ്മിക അടിത്തറയുള്ള സംസ്കാരത്തേയും കൂടിയാണ് എന്നത് ഏറെ ഖേദകരമായ കാര്യമാണ്.
പ്രതികരിക്കാൻ ഇവിടെ എഴുതുക: