കോഴിക്കോട്: എയിംഫിലിനു മുന്നില് നിരാഹാരം നടത്തുന്ന വിദ്യാര്ത്ഥികളുടെ സമരം എട്ടു ദിവസം പിന്നിട്ടു. സമരപന്തലില് കുഴഞ്ഞു വീണതിനെ തുടര്ന്ന് സമരം ചെയ്യുന്ന ഒരു വിദ്യാര്ത്ഥിയെ ആശുപത്രിയില് പ്രവേശിപ്പിച്ചെങ്കിലും പിന്നീട് വിദ്യാര്ത്ഥി സമരപന്തലിലേക്ക് തന്നെ തിരിച്ചെത്തി. തിങ്കളാഴ്ച മുതല് സമരത്തിലുള്ള ജിത്തുവിനെയാണ് ആശുപത്രിയില് പ്രവേശിപ്പിച്ചിരുന്നത്. ഷാദില് എന്ന വിദ്യാര്ഥിയും സമരം ആരംഭിച്ചു. മറ്റൊരു വിദ്യാര്ത്ഥിയായ ആദര്ശ് സമരം തുടരുകയാണ്.
സ്ഥാപനത്തിലെ 23 വിദ്യാര്ഥികളാണ് സമരത്തിലുള്ളത്. വ്യാജകോഴ്സ് നടത്തി പറ്റിച്ച മാനേജ്മെന്റ് തങ്ങളുടെ സര്ട്ടിഫിക്കറ്റുകളും അടച്ച ഫീസും നഷ്ടപരിഹാരവും നല്കണമെന്നാവശ്യപ്പെട്ടാണ് സമരം നടത്തുന്നത്. കഴിഞ്ഞ ദിവസം സമരം ചെയ്ത രണ്ട് പെണ്കുട്ടികള് കുഴഞ്ഞു വീണിരുന്നു. തുടര്ന്ന് വിദ്യാര്ത്ഥികളും രക്ഷിതാക്കളും ഉള്പ്പടെയുള്ളവര് സമരം ശക്തമാക്കുകയും മാവൂര് റോഡ് ഉപരോധിക്കുകയും ചെയ്തിരുന്നു.
സമരത്തിന്റെ രണ്ടാം ഘട്ടത്തിന്റെ ഭാഗമായി എബിവിപി ഇന്ന് എയിംഫില്ലിലേക്ക് നടത്താന് നിശ്ചയിച്ചിരുന്ന മാര്ച്ച് മാറ്റിവെച്ചു. വടകര, കൊയിലാണ്ടി താലൂക്കുകളില് ആര്എസ്എസ് ഹര്ത്താലിന് ആഹ്വാനം ചെയ്തതിനെ തുടര്ന്നാണ് മാര്ച്ച് മാറ്റിവെച്ചത്.
