കാസര്‍കോട്: സാമൂഹ്യവനവല്‍ക്കരണ പരിപാടിയുടെ ഭാഗമായി കളളാര്‍-കുറ്റിക്കോല്‍ ഗ്രാമപഞ്ചായത്തുകളിലായി നബാര്‍ഡിന്റെ സഹായത്തോടെ ആര്‍ ഐ ഡി എഫ് പദ്ധതിയില്‍ ഉള്‍പ്പെടുത്തി നടപ്പിലാക്കി വരുന്ന കാപ്പുംകര നീര്‍ത്തട പദ്ധതി പ്രദേശത്ത് 350 ഫലവൃക്ഷതൈ വിതരണം ചെയ്തു.
കുടുംബൂര്‍ ഗവ. ട്രൈബല്‍ വെല്‍ഫെയര്‍ എല്‍ പി സ്‌കൂളില്‍ നടന്ന ചടങ്ങില്‍ കളളാര്‍ ഗ്രാമപഞ്ചായത്ത് വൈസ് പ്രസിഡണ്ട് ടി കെ നാരായണന്‍ വിതരണോദ്ഘാടനം നിര്‍വ്വഹിച്ചു. കുറ്റിക്കോല്‍ ഗ്രാമപഞ്ചായത്ത് അംഗം ജോസഫ് പാറത്തട്ടേല്‍ അധ്യക്ഷത വഹിച്ചു.
ജില്ലാ മണ്ണ് സംരക്ഷണ ഓഫീസര്‍ വി.എം.അശോക് കുമാര്‍, ഓവര്‍സിയര്‍ ബാലകൃഷ്ണ ആചാര്യ, നീര്‍ത്തട കമ്മിറ്റി കണ്‍വീനര്‍ കെ.കൃഷ്ണന്‍ എന്നിവര്‍ സംസാരിച്ചു. ജൂണ്‍ അഞ്ച് പരിസ്ഥിതി ദിനം ആചരിക്കുന്നതിന്റെ ഭാഗമായി 75 കുടുംബങ്ങള്‍ക്ക് ജില്ലാ സാമൂഹ്യ വനവല്‍ക്കരണ വകുപ്പുമായി സഹകരിച്ച് പദ്ധതി പ്രദേശത്ത് വിവിധ ഫലവൃക്ഷത്തൈകള്‍ വിതരണം ചെയതു.
പ്രതികരിക്കാൻ ഇവിടെ എഴുതുക: