നെല്ലിത്തറ: മൂല്യാധിഷ്ഠിത വിദ്യാഭ്യാസ പദ്ധതിയിലൂടെ മാത്രമേ മികച്ച യുവതലമുറയെ വാര്‍ത്തെടുക്കാന്‍ സാധിക്കുകയുള്ളുവെന്നും ഭാരതീയ വിദ്യാനികേതന്‍ വിദ്യാലയങ്ങള്‍ എക്കാലത്തും സമൂഹത്തിനു മാതൃകയാണെന്നും ബിജെപി ജില്ലാ ജനറല്‍ സെക്രട്ടറി എ.വേലായുധന്‍ പറഞ്ഞു.
ഭാരതീയ വിദ്യാനികേതനു കീഴില്‍ നെല്ലിത്തറ സ്വാമി രാംദാസ് സ്മാരക സരസ്വതി വിദ്യാമന്ദിരത്തിലെ പ്രവേശനോത്സവ പരിപാടിയില്‍ സംസാരിക്കുകയായിരുന്നു അദ്ദേഹം.
നെല്ലിത്തറയില്‍ നിന്നും സ്‌കൂള്‍ ബാന്‍ഡ് സംഘത്തിന്റെ അകമ്പടിയോടെ ആരംഭിച്ച പ്രവേശനോത്സവ ഘോഷയാത്രയ്‌ക്ക് അദ്ധ്യപകരും വിദ്യാലയ സമിതിയംഗങ്ങളും സ്വീകരണം നല്‍കി. തുടര്‍ന്ന് നടന്ന പരിപാടിയില്‍ എ.വേലായുധന്‍ അദ്ധ്യക്ഷത വഹിച്ചു. പി.ദിവാകരന്‍, എം.ജയകുമാര്‍ എന്നിവര്‍ ആശംസകള്‍ നേര്‍ന്നു. പ്രധാനാധ്യാപകന്‍ എം.വി.ചന്ദ്രന്‍ സ്വാഗതവും കെ.സത്യനാഥന്‍ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: