കാസര്‍കോട്: പട്ടികജാതി വികസന വകുപ്പിന്റെ കാസര്‍കോട്, മഞ്ചേശ്വരം എന്നിവിടങ്ങളിലെ ആണ്‍കുട്ടികളുടെയും കാസര്‍കോട് പെണ്‍കുട്ടികളുടെയും പോസ്റ്റ്‌മെട്രിക് ഹോസ്റ്റലില്‍ ഒഴിവുളള സീററുകളിലേക്ക് പ്രവേശനത്തിന് അപേക്ഷ ക്ഷണിച്ചു. ഹയര്‍സെക്കണ്ടറി, ആര്‍ട്‌സ് ആന്റ് സയന്‍സ് കോളേജ്, പോളിടെക്‌നിക്, ബി എഡ് സെന്റര്‍, പ്രൊഫഷണല്‍ കോഴ്‌സുകള്‍ക്ക് ഫഠിക്കുന്ന പട്ടികജാതി വിദ്യാര്‍ത്ഥികള്‍ക്ക് അപേക്ഷിക്കാം. പട്ടികജാതി വിദ്യാര്‍ത്ഥികള്‍ക്ക് പ്രതിമാസം നിശ്ചിത നിരക്കില്‍ പോക്കറ്റ് മണി അനുവദിക്കും.
ഹോസ്റ്റലില്‍ താമസം, ഭക്ഷണം സൗജന്യമാണ്. മൊത്തം ഒഴിവുളള സീറ്റില്‍ അഞ്ച് ശതമാനം ഒ ബി സി വിദ്യാര്‍ത്ഥികള്‍ക്കും 10 ശതമാനം മറ്റ് വിദ്യാര്‍ത്ഥികള്‍ക്കും സംവരണം ഉണ്ട്. നിശ്ചിത മാതൃകയിലുളള അപേക്ഷ ബന്ധപ്പെട്ട സ്ഥാപന മേധാവിയുടെ ശുപാര്‍ശ സഹിതം ജൂണ്‍ 15 നകം കാസര്‍കോട് സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ പട്ടികജാതി വികസന ഓഫീസില്‍ സമര്‍പ്പിക്കണം.
പ്രതികരിക്കാൻ ഇവിടെ എഴുതുക: