പാലക്കാട്: ജില്ലയുടെ വിവിധ ഭാഗങ്ങളില് കാട്ടാനശല്യം രൂക്ഷമാവുമ്പോഴും പ്രതിരോധനടപടികള് പേരിലൊതുങ്ങുന്നു.കഴിഞ്ഞഒരു വര്ഷത്തിനിടെ പത്തോളം പേര്ക്കാണ് ജീവന് നഷ്ടമായത്. മലയോരമേഖലകളിലാണ് കാട്ടാനശല്യം രൂക്ഷം.
കഞ്ചിക്കോട്, മലമ്പുഴ, കൊട്ടേക്കാട്,മുണ്ടൂര്,കടമ്പഴിപ്പുറം, അട്ടപ്പാടി,വാളയാര് എന്നിവിടങ്ങളിലും സ്ഥിരമായി കാട്ടാനകള് എത്താറുണ്ട്. ഏറ്റവും ഒടുവില് പുതുപ്പരിയാരത്ത് റബ്ബര് വെട്ടുകയായിരുന്ന യുവാവിനെയാണ് കാട്ടാന ചവിട്ടിയും കുത്തിയും കൊലപ്പെടുത്തിയത്. പാലക്കാട് – കോഴിക്കോട് ദേശീയപാതയില് നിന്നും ഒന്നരകിലോമീറ്റര് അകലെയായിരുന്നു സംഭവം. കാരക്കാട്ടില് സോളി വര്ഗീസാണ് കാട്ടാനയുടെ ആക്രമണത്തില് കൊല്ലപ്പെട്ടത്.
കാട്ടാനശല്യം രൂക്ഷമായ പ്രദേശത്ത് പ്രതിരോധ നടപടികള് ഇല്ലെന്ന് ആരോപിച്ച് നാട്ടുകാര് ജില്ലാ കലക്ടര് പി.മേരിക്കുട്ടിയെ തടഞ്ഞു വെയ്ക്കുകയും ദേശീയപാത ഉപരോധിക്കുകയും ചെയ്തിരുന്നു. റബ്ബര് ടാപ്പിംഗിനിടെയാണ് ആനയുടെ അക്രമം.പ്രതിരോധ മാര്ഗങ്ങളിലെ വീഴ്ചയാണ് കാട്ടാനകള് നാട്ടിലിറങ്ങാന് കാരണമെന്ന് ചൂണ്ടിക്കാണിക്കപ്പെടുന്നു.
വൈദ്യുതി വേലിയും സംരക്ഷണ ഭിത്തിയും ഉണ്ടായിട്ടും ഇതൊന്നും പ്രയോജനം ചെയ്യുന്നില്ലെന്നതാണ് സത്യം മഴയുടെ ലഭ്യതക്കുറവാണ് കാട്ടാനകള് നാട്ടിലേക്ക് ഇറങ്ങാന് കാരണമാകുന്നതെന്നാണ് വനപാലകരുടെ വിശദീകരണം. നേരത്തെ കിടങ്ങുകള് നിര്മ്മിച്ചു കാട്ടാനകളെ നാട്ടില് നിന്നും അകറ്റിയിരുന്നു. എന്നാല് ഇപ്പോള് ഇതും മറി കടന്നാണ് കാട്ടാനകള് ഇറങ്ങുന്നത്. കാട്ടാനകളുടെ ആക്രമണത്തില് മരിക്കുന്നവരുടെ എണ്ണവും വര്ദ്ധിച്ചു വരികയാണ്. ജില്ലയിലെ മൂന്ന് ഫോറസ്റ്റ് ഡിവിഷനുകളായ മണ്ണാര്ക്കാട്, പാലക്കാട്, നെന്മാറ കണക്കുകളില് ഇത്വ്യക്തവുമാണ്.
ദുരന്തമുണ്ടായ പുതുപ്പരിയാരം ഞാറക്കോട്ട് പ്രദേശത്ത് കഴിഞ്ഞ കുറച്ചുദിവസങ്ങളായി കാട്ടാനകള് സൈ്വര്യവിഹാരം നടത്തുകയാണെന്ന് നാട്ടുകാര് പറഞ്ഞു. മൂന്ന് കാട്ടാനകളാണ് ഭീതി പരത്തുന്നത്.
കുടിവെള്ളത്തിനും ഭക്ഷണത്തിനുമായി ആനകള് നാട്ടില് ഇറങ്ങുന്നതോടെ ജനജീവിതം ദുസ്സഹമാവുകയാണ്.ബൈക്കില് പോവുകയായിരുന്ന ഒരാള് കഴിഞ്ഞദിവസം തലനാരിഴയ്ക്കായിരുന്നു രക്ഷപ്പെട്ടത്. ഇക്കഴിഞ്ഞ ഫെബ്രുവരിയിലാണ് ജനവാസമേഖലയിലെ രണ്ടു പ്രദേശങ്ങളില് കാട്ടാനകള് ഇറങ്ങിയത്.
ആനയുടെ അക്രമത്തില് എട്ട് ബൈക്കുകള് തകര്ന്നു. സ്ത്രീഉള്പ്പെടെ മൂന്നുപേര്ക്ക് പരുക്കേല്ക്കുകയും ചെയ്തു. ഒരു പശുവിനെ ആന കുത്തിപ്പരുക്കേല്പ്പിക്കുകയും ചെയ്തിരുന്നു.
കൊട്ടേക്കാട്, കല്ലേപ്പുള്ളി, തിരുനെല്ലി,മില്മ വരെയെത്തിയ രണ്ട്ആനകളാണ് അന്ന് പ്രദേശത്തെ കൃഷി തോട്ടങ്ങള് തകര്ത്തത്. തെങ്ങുകളുടെഓലകള് വലിച്ചിടുകയും മാങ്ങ നശിപ്പിക്കുകയും ചെയ്തു.തുടര്ന്ന് കൊട്ടേക്കാട് സ്വദേശി ഹരിദാസിന്റെ മതില് തകര്ത്ത് അകത്തു കയറിയ ആനമാങ്ങാ പറിച്ചുതിന്നുന്നതിനിടയില് സമീപത്തെ ആട് ഫാമിന്റെ കൂടും തകര്ക്കുകയും ചെയ്തു. ഇതിനു തൊട്ടുപിന്നിലായി രാവിലെ ഒമ്പതു മണിയോടെയാണ് മലമ്പുഴ പുതിയ ജയിലിനു സമീപമാണ് പത്തു വയസ്സ് പ്രായം തോന്നിക്കുന്ന കുട്ടിക്കൊമ്പന് എത്തിയത്.
തുടര്ന്നു പ്രദേശത്ത് തടിച്ചു കൂടിയ ആളുകള് പടക്കം പൊട്ടിച്ചാണ് ആനയെഓടിച്ചത്. ഇതിനിടെയാണ് മലമ്പുഴ ഹൗസ് പരിസരത്ത് കാഴ്ചക്കാരായി എത്തിയവരുടെഎട്ടു ബൈക്കുകള് കുട്ടിക്കൊമ്പന് നശിപ്പിച്ചത്.
നാലുമാസം മുമ്പ് കാട്ടാനയുടെ അക്രമത്തില് നിന്നും തലനാരിഴക്ക് രക്ഷപ്പെട്ട വാരണി സ്വദേശി രമേശന് അന്നും ഭാഗ്യം കൊണ്ട് രക്ഷപ്പെടുകയായിരുന്നു.വിവരമറിഞ്ഞ് എത്തിയ വനംവകുപ്പ് ജീവനക്കാര് ആനയുടെ അക്രമത്തില് നിന്നും അത്ഭുതകരമായാണ് രക്ഷപ്പെട്ടത്.കാഞ്ഞിരക്കടവ് റോഡില് വടുകംപാടത്ത് എത്തിയ ഇവരുടെ ജീപ്പ് മറിക്കാന് കാട്ടുകൊമ്പന് #ോശ്രമിച്ചെങ്കിലും നടന്നില്ല. വനംവകുപ്പ് ജീവനക്കാര് തന്നെയാണ് ആനടെ തിരികെ മലമ്പുഴ ഡാമിന് സമീപത്തു കൂടെ പന്നിമട ഭാഗത്തേക്കു കയറ്റിവിട്ടത്. മാസങ്ങളായി കാട്ടാനകള് കഞ്ചിക്കോട് മേഖലയിലും ഭീതി പരത്തിയിരുന്നു. അടുത്തിടെയായി ജനവാസ കേന്ദ്രങ്ങളിലേക്ക് കാട്ടാനകള് ഇറങ്ങുന്നത് ഭീതിയോടെയാണ് നാട്ടുകാര് കാണുന്നത്.
ആനയുടെ അക്രമം ഏതു നിമിഷവും ഉണ്ടാവുമെന്നാണ് ഇവര് ഭയപ്പെടുന്നത്.കഞ്ചിക്കോട് ദേശീയപാതയില് നിന്നു 30 മീറ്റര് മാത്രം അകലെയുള്ള ചടയന്കാലായില് ഉള്പ്പെടെ പുതുശ്ശരി പഞ്ചായത്തിലെ ആറിടങ്ങളില് ദിവസങ്ങള്ക്ക് മുന്പാണ് കാട്ടാനകളുടെ ആക്രമണം ഉണ്ടായത്.
ജനവാസമേഖലയെ ഭീതിയിലാക്കിയ കാട്ടാനക്കൂട്ടം വീടുകളുടെ മതിലുകളും പൈപ്പ് ലൈനും കൃഷിയും നശിപ്പിച്ചിരുന്നു.
