പേരാമ്പ്ര: കേരളത്തില് ഇടത് മുന്നണിക്ക് ഭരിക്കാന് നേരം ലഭിക്കുന്നില്ലെന്ന് വീഴ്ചകള് മറച്ചുവെക്കാന് മാത്രമാണ് സമയമെന്നും ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് പറഞ്ഞു. സിപിഎം ആക്രമരാഷ്ട്രീയത്തിനെതിരെ പാലേരിയില് നടന്ന ആക്രമവിരുദ്ധപൊതുയോഗത്തില് സംസാരിക്കുകയായിരുന്നു അദ്ദേഹം. മന്ത്രിമാര് തുടരെ തുടരെ രാജി വെക്കുകയാണ്. ഇ.പി. ജയരാജന് പിന്നാലെ എ.കെ. ശശീന്ദ്രനും നിവൃത്തിയില്ലാതെ മന്ത്രിസഭയില് നിന്ന് പുറത്ത് പോകേണ്ടി വന്നു. അടുത്ത ഊഴം മുഖ്യമന്ത്രിയുടെതാണ്.എല്ലാം ശരിയാക്കാമെന്ന് പറഞ്ഞ് അധികാരത്തില് വന്നവര് എല്ലാം തെറ്റാക്കി കൊണ്ടിരിക്കുകയാണ്.ജനങ്ങളുടെ വിശ്വാസ വും ഭരണത്തിന്റെ പ്രതിഛായയും പൂര്ണമായും നഷ്ടപ്പെട്ടു. ബിജെപി ചങ്ങരോത്ത് പഞ്ചായത്ത് പ്രസിഡണ്ട് എ.സി രാധാകൃഷ്ണന് അദ്ധ്യക്ഷത വഹിച്ചു.
ബിജെപി സംസ്ഥാന സമിതി അംഗം എം. മോഹനന് മാസ്റ്റര്, മണ്ഡലം പ്രസിഡന്റ് എന്. ഹരിദാസ്, ജയപ്രകാശ്’ കായണ്ണ, എ.ബാലചന്ദ്രന് ,സി.കെ ലീല ,എ’ പ്ര കാശന്, എന്.ഇ ചന്ദ്രന് ,പ്രവീണ് എന്നിവര് പ്രസംഗിച്ചു.
