കുറുംബഭഗവതി ക്ഷേത്ര പൂരമഹോത്സവം ഇന്ന് തുടങ്ങും

കാഞ്ഞങ്ങാട്: അജാനൂര്‍ കടപ്പുറം കുറുംബഭഗവതി ക്ഷേത്ര പൂരമഹോത്സവം ഇന്ന് തുടങ്ങി ഏപ്രില്‍ 8ന് അവസാനിക്കും. ഇന്ന് രാവിലെ 8.58 നും 9.58 നും ഇടയിലുള്ള മുഹൂര്‍ത്തത്തില്‍ കൊടിയേറ്റം. 10ന് നടക്കുന്ന സാംസ്‌കാരിക സമ്മേളനം രാഹുല്‍ ഈശ്വര്‍ ഉദ്ഘാടനം ചെയ്യും, വൈകുന്നേരം 4ന് കലവറ നിറയ്‌ക്കല്‍, രാത്രി 8ന് ഉത്സവം, നാളെ വൈകുന്നേരം 5ന് ഹരിനാമ കീര്‍ത്തന പാരായണം, 6.30 ന് ദീപാരാധന, സന്ധ്യാമേളം, 8ന് ഉത്സവം, 10ന് നാടകം, ഏപ്രില്‍ 2ന് രാവിലെ 10ന് മഹിളാ സമ്മേളനം, വൈകുന്നേരം 3ന് ആദ്ധ്യാത്മിക സമ്മേളനം, 8.30ന് മെഗാ തിരുവാതിര, 10ന് നാട്ടുപൊലിമ, ഏപ്രില്‍ 6ന് വൈകുന്നേരം 5ന് സ്‌നേഹസംഗമം, രാത്രി 9ന് ചാക്യാര്‍കൂത്ത്, 10ന് നൃത്തസന്ധ്യ, ഏപ്രില്‍ 7ന് രാത്രി 9ന് സ്‌കോളര്‍ഷിപ്പ് വിതരണം, 10ന് നാടകം, ഏപ്രില്‍ 8ന് രാവിലെ 6ന് പൂരംകുളി, വൈകുന്നേരം 5ന് ആറാട്ട്, രാത്രി 10ന് ഉത്സവം സമാപിക്കും.