ചാലക്കുടി നിര്മ്മല കോളേജ് ഓഫ് ഇന്ഫര്മേഷന് ടെക്നോളജിയില് സംഘടിപ്പിച്ച സൗത്ത് ഇന്ത്യന് ബാങ്കിന്റെ ആയിരാമത് ‘ഡിജിറ്റല് തംപ്സ് അപ്’ പരിപാടിയുടെ ഉദ്ഘാടനം ചാലക്കുടി നഗരസഭ ചെയര്പേഴ്സണ് ഉഷാ പരമേശ്വരന് നിര്വഹിക്കുന്നു. സൗത്ത് ഇന്ത്യന് ബാങ്ക് സീനിയര് ജനറല് മാനേജര് റാഫേല് ടി.ജെ, ഇരിങ്ങാലക്കുട മേഖലാ മേധാവി പോള് ആന്റണി മാളിയേക്കല് സമീപം
കൊച്ചി: സൗത്ത് ഇന്ത്യന് ബാങ്ക് ഇന്ത്യയുടെ വിവിധ ഭാഗങ്ങളിലായി ആയിരം ഡിജിറ്റല് ബാങ്കിംഗ് ബോധവല്ക്കരണ പരിപാടികള് സംഘടിപ്പിച്ചു. ബാങ്കിന്റെ ദേശീയ ഡിജിറ്റല് മിഷന് പദ്ധതിയുടെ ഭാഗമായാണ് ഇത്.
ഡിജിറ്റല് ബാങ്കിംഗ് ശീലം വളര്ത്തിയെടുക്കുന്നതിനായി ബാങ്ക് ആവിഷ്കരിച്ച ‘ഡിജിറ്റല് തംപ്സ് അപ്പ്’ ബോധവല്ക്കരണ പദ്ധതിക്ക് തുടക്കം കുറിച്ചത് 2016 ലാണ
രാജ്യത്തുടനീളമുള്ള നിരവധി കോളേജുകളും കമ്പനികളും സര്ക്കാര് സ്ഥാപനങ്ങളും കാമ്പയിനിന്റെ ഭാഗമായി.
ആയിരാമത് ഡിജിറ്റല് തംപ്സ് അപ് പരിപാടി ചാലക്കുടി നഗരസഭയുടെ സഹകരണത്തോടെ ചാലക്കുടിയിലെ നിര്മ്മല കോളേജ് ഓഫ് ഇന്ഫര്മേഷന് ടെക്നോളജിയില് സംഘടിപ്പിച്ചു. ചാലക്കുടി നഗരസഭ ചെയര്പേഴ്സണ് ഉഷാ പരമേശ്വരന് ഉദ്ഘാടനം നിര്വഹിച്ചു.
സൗത്ത് ഇന്ത്യന് ബാങ്ക് സീനിയര് ജനറല് മാനേജര് (ടെക്നോളജി ആന്റ് മാര്ക്കറ്റിംഗ്) റാഫേല് ടി.ജെ, ഇരിങ്ങാലക്കുട മേഖല മേധാവി പോള്ആന്റണി മാളിയേക്കല് തുടങ്ങിയവര് സന്നിഹിതരായിരുന്നു.
പൊതുജനങ്ങളില്നിന്നുള്ള മികച്ച പ്രതികരണം കണക്കിലെടുത്ത് 2017-18 സാമ്പത്തികവര്ഷത്തില് ആയിരം ഡിജിറ്റല് ബോധവല്ക്കരണ പരിപാടികള്കൂടി സംഘടിപ്പിക്കാന് ബാങ്ക് ഉദ്ദേശിക്കുന്നു.
