ശ്രീനഗര്: ജയിലില് അകപ്പെട്ടിട്ടും പാക്കിസ്ഥാനുമായി ബന്ധം പുലര്ത്തി തടവുകാര്. കശ്മീരിലെ ബാരാമുള്ളയിലെ സബ് ജയിലില് കഴിയുന്ന തടവുകാരണ് പാക്കിസ്ഥാനുമായി ബന്ധം പുലര്ത്തിയിരുന്നത്. പോലീസ് ഉദ്യോഗസ്ഥരും ജയില് അധികൃതരും സംയുക്തമായി നടത്തിയ തെരച്ചിലില് ഇവരില് നിന്നും 14 മൊബൈല് ഫോണുകള് കണ്ടെടുത്തു. ഇതോടെയാണ് തടവുകാരുടെ പാക്ക് ബന്ധം വെളിച്ചത്തായത്.
ജയിലിലെ തടവുപുള്ളികള് മൊബൈല് ഉപയോഗിച്ച് പാക്കിസ്ഥാനുമായി വാട്സ്ആപ്പിലൂടെ ബന്ധം പുലര്ത്തിയിരുന്നു എന്നാണ് റിപ്പോര്ട്ടുകള് സൂചിപ്പിക്കുന്നത്. സംഭവവുമായി ബന്ധപ്പെട്ട് പോലീസ് അന്വേഷണം ഊര്ജ്ജിതമാക്കിയിട്ടുണ്ട്. കേസില് പന്ത്രണ്ടോളം തടവുപുള്ളികള്ക്കെതിരെ കുറ്റപത്രം സമര്പ്പിച്ചിട്ടുണ്ട്.
പാക്കിസ്ഥാനില് നിന്നുള്ള ചില സംഘങ്ങള് ഫെയ്സ്ബുക്ക്, വാട്സ്ആപ്പ്, മറ്റ് സമൂഹ മാധ്യമങ്ങള് എന്നിവ വഴി കശ്മീരിലെ യുവാക്കളെ കല്ലെറിയാന് പ്രേരിപ്പിക്കുന്നെന്ന് കേന്ദ്ര ആഭ്യന്തരമന്ത്രി രാജ്നാഥ് സിങ് കഴിഞ്ഞ ദിവസം വ്യക്തമാക്കിയിരുന്നു. ഇതിന് പിന്നാലെയാണ് ബാരാമുള്ള സബ് ജയിലിലെ തടവുപുള്ളികളില് നിന്ന് മൊബൈലുകള് കണ്ടെത്തിയിരിക്കുന്നത്.
മൊബൈല് ഫോണുകള്ക്ക് പുറമേ മറ്റു അനധികൃത വസ്തുക്കളും പോലീസ് ജയില് നിന്ന് കണ്ടെടുത്തിട്ടുണ്ട്. യുവാക്കളെ കല്ലെറിയാന് പ്രേരിപ്പിക്കുന്നതിന് തടവുകാര് പങ്കു ചേര്ന്നിട്ടുണ്ടെന്നും ഫോണുകള് ഫോറന്സിക് പരിശോധനയ്ക്ക് അയച്ചിട്ടുണ്ടെന്നും ഉന്നത പോലീസ് ഉദ്യോഗസ്ഥര് വ്യക്തമാക്കി.
