പാലക്കാട്: യുവമോര്‍ച്ച ജില്ലാ വനിതാ കണ്‍വെന്‍ഷന്‍ ബിജെപി സംസ്ഥാന സെക്രട്ടറി സി.കൃഷ്ണകുമാര്‍ ഉദ്ഘാടനം ചെയ്തു.
കോര്‍പ്പറേറ്റുകള്‍ക്കും, അഴിമതിക്കാര്‍ക്കും, ഗുണ്ടകള്‍ക്കുംവേണ്ടിയുള്ള സര്‍ക്കാരാനാണ് കേരളം ഭരിക്കുന്നതെന്ന് മുഖ്യപ്രഭാഷണം നടത്തിയ യുവമോര്‍ച്ച സംസ്ഥാന ജന.സെക്രട്ടറി സി.ആര്‍.പ്രഫുല്‍ കൃഷ്ണന്‍ ആരോപിച്ചു.
ഭരണത്തിലേറി ഒരുവര്‍ഷം തികയുമ്പോള്‍ ജനോപകാരപ്രദമായ ഒന്നും തന്നെ ഇടതുസര്‍ക്കാര്‍ ചെയ്തിട്ടില്ല.
മറിച്ച് ജന-സത്രീവിരുദ്ധനിലപാടുകളുമാണ് കൈക്കൊള്ളുന്നത്. സംസ്ഥാനത്ത് ഒരുവര്‍ഷത്തിനിടെ മൂന്നുമടങ്ങ് കുറ്റകൃത്യങ്ങളാണ് വര്‍ദ്ധിച്ചിരിക്കുന്നതെന്നും അദ്ദേഹം പറഞ്ഞു.
ജില്ലാ അധ്യക്ഷന്‍ ഇ.പി.നന്ദകുമാര്‍ അധ്യക്ഷതവഹിച്ചു. 25ന് യുവമോര്‍ച്ച ദേശീയ അധ്യക്ഷ പൂനം മഹാജന്‍ പങ്കെടുക്കുന്ന സെക്രട്ടറിയേറ്റ് ഉപരോധം ജില്ലയില്‍ നിന്നുള്ള എല്ലാ വനിതാ അംഗങ്ങളെയും പങ്കെടുപ്പിക്കുവാന്‍ തീരുമാനിച്ചു.
ബിജെപി ജില്ലാ സെക്രട്ടറി പി.സത്യഭാമ, യുവമോര്‍ച്ച ഭാരവാഹികളായ കെ.ബിദിന്‍, എസ്.സജു,ഡി.ഗായത്രി,എ.അനീഷ് പങ്കെടുത്തു.
പ്രതികരിക്കാൻ ഇവിടെ എഴുതുക: