ന്യൂദല്ഹി: അതിര്ത്തിയില് സുരക്ഷ ശക്തമാക്കുന്നതിന്റെ ഭാഗമായി ഇന്ഫ്രാറെഡ് സാങ്കേതികവിദ്യ ഉപയോഗിച്ചുള്ള സുരക്ഷാ മതില് സ്ഥാപിക്കാന് ഒരുങ്ങുകയാണ് അതിര്ത്തി രക്ഷാ സേന. നുഴഞ്ഞുകയറ്റം തടയാനും അടുത്തുള്ള കേന്ദ്രത്തില് വിവരം അറിയിക്കാനും സാധിക്കുന്ന അദൃശ്യ മതില് കവച് എന്നാണ് അറിയപ്പെടുക.
വെള്ളത്തിലും ചില്ലുപോലുള്ള പ്രതലങ്ങളിലും അടക്കം ഇന്ഫ്രാറെഡ് തരംഗങ്ങള് ഉപയോഗിച്ചുള്ള ഈ സുരക്ഷാ ക്രമീകരണം ഉപയോഗിക്കാനാവും. സേനയ്ക്ക് അവരുടെ ഔട്പോസ്റ്റില് നിന്നുതന്നെ അതിര്ത്തിയില് ഏതെങ്കിലും തരത്തിലുള്ള ഇടപടല് തിരിച്ചറിയാനും നിരീക്ഷിക്കാനുമാകും. മാത്രമല്ല, പ്രത്യേകം ക്രമീകരിച്ചിരിക്കുന്ന സംവിധാനങ്ങള് ഉപയോഗിച്ച് പ്രത്യാക്രമണം നടത്താനും സാധിക്കും.
എന്ക്രിപ്റ്റ് ചെയ്യപ്പെട്ട നെറ്റ്വർക്ക് ഉപയോഗിച്ച് ഉപകരണങ്ങള് തമ്മില് പരസ്പരം ബന്ധിപ്പിച്ചിരിക്കും. സുരക്ഷാ ചുമതലയുള്ള സൈനികനുമായി ആശയവിനിമയം നടത്താനും ഈ നെറ്റ്വര്ക്കിലൂടെ സാധിക്കും.
