താനാളൂര്‍: സ്വന്തമായൊരു വീട് എന്നതായിരുന്നു ബിബിത്തിന്റെ സ്വപ്‌നം. അതിനായി കഠിന പരിശ്രമം നടത്തുമ്പോഴായിരുന്നു വാഹനാപകടത്തിന്റെ രൂപത്തില്‍ വിധി സ്വപ്‌നത്തിന്മേല്‍ കരിനിഴല്‍ വീഴ്‌ത്തിയത്.
താനാളൂര്‍ സ്വദേശി പൈക്കാട്ടില്‍ ബാലന്റെ മകന്‍ ബിബിത്താണ് റോഡപകടത്തില്‍പ്പെട്ട് ഗുരുതരമായി പരിക്കേല്‍ക്കുകയും പിന്നീട് അത്ഭുതകരമായി രക്ഷപ്പെടുകയും ചെയ്തത്.
തളര്‍ച്ചയിലും സ്വന്തം വീടെന്ന സ്വപ്‌നം മനസ്സില്‍ അവശേഷിച്ചു. ഇത് മനസിലാക്കിയ വട്ടത്താണിയിലെ സേവാഭാരതി പ്രവര്‍ത്തകര്‍ ബിബിത്തിന്റെ സ്വപ്‌നഭവനത്തിനായുള്ള ശ്രമം തുടങ്ങി.
സംഘധ്വനി എന്ന് പേരിട്ട വീട് പണിപൂര്‍ത്തിയാക്കി ബിബിത്തിന്റെ കുടുംബത്തിന് സമര്‍പ്പിച്ചു. ആര്‍എസ്എസ് പ്രാന്തീയ കാര്യകാരി സദസ്സ്യന്‍ കെ.കൃഷ്ണന്‍കുട്ടി ഭദ്രദീപം കൊളുത്തി.
തിരൂര്‍ താലൂക്ക് സംഘചാലക് ദേവദാസന്‍, വിഭാഗ് കാര്യവാഹ് കെ.പി.നന്ദകുമാര്‍, പി.ഉണ്ണികൃഷ്ണന്‍, ഗീതാ മാധാവന്‍, ഗോവിന്ദന്‍കുട്ടി, ശശി തലക്കടത്തൂര്‍ തുടങ്ങി സാമൂഹിക സാംസ്‌കാരിക രംഗത്തെ പ്രമുഖര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: