മലപ്പുറം: കാലിക്കറ്റ്് സര്‍വകലാശാല സി സോണ്‍ കലോത്സവത്തില്‍ സ്റ്റേജിന മത്സരങ്ങളുടെ രണ്ടാം ദിനത്തില്‍ നിലവിലെ ചാമ്പ്യന്‍മാരായ തിരൂരങ്ങാടി പിഎസ്എംഒ കോളേജിനെ പിന്നിലാക്കി മമ്പാട് എംഇഎസ് മുന്നേറുന്നു.
68 ഇനങ്ങളുടെ ഫലം പുറത്തുവന്നപ്പോള്‍ 131 പോയിന്റ് നേടി മമ്പാട് ഒന്നാംസ്ഥാനത്തും. 110 പോയിന്റ് നേടി പിഎസ്എംഒ കോളേജ് രണ്ടാമതും 88 പോയിന്റോടെ കാലിക്കറ്റ് യൂണിവേഴ്സിറ്റി കാമ്പസ് മൂന്നാം സ്ഥാനത്തുമാണ്. 33 പോയിന്റ് നേടിയ മലപ്പുറം ഗവ.കോളേജ്, കാലിക്കറ്റ് യൂണിവേഴ്സിറ്റി ടീച്ചേഴ്സ് എഡുക്കേഷന്‍ സെന്റര്‍ എന്നിവരാണ് നാലാംസ്ഥാനത്ത്.
മൂന്ന് ദിനരാത്രങ്ങള്‍ യവ്വൗനകലയുടെ മാധുര്യം സമ്മാനിച്ച് സി സോണ്‍ കലോത്സവത്തിന് ഇന്ന് കൊടിയിറങ്ങും. വാശിയേറിയ മത്സരമാണ് ഓരോ മത്സരാര്‍ത്ഥിയും കാഴ്ചവെച്ചത്. സംഘാടന മികവ് കൊണ്ടും ശ്രദ്ധിക്കപ്പെട്ട കലോത്സവം ആസ്വാദകരുടെ ഹൃദയങ്ങള്‍ കീഴടക്കി.
പ്രതികരിക്കാൻ ഇവിടെ എഴുതുക: