ബാഴ്സലോണ: ലൂയി സുവാരസിന്റെ ഇരട്ടഗോളില് എസ്പനോയലിനെ തകര്ത്ത് ബാഴ്്സലോണ ലാ ലിഗയില് റയല് മാഡ്രിഡിനൊപ്പം ഒന്നാം സ്ഥാനത്തെത്തി. ഏകപക്ഷീയമായ മൂന്ന് ഗോളുകള്ക്കാണ് ബാഴ്സലോണ ജയിച്ചുകയറിയത്്. മൂന്ന് ഗോളും രണ്ടാം പകുതിയിലാണ് പിറന്നത്. 50,87 മിനിറ്റുകളില് സുവാരസും 76-ാം മിനിറ്റില് റാകിടിക്കും ഗോള് നേടി.
ഈ വിജയത്തോടെ ബാഴ്സലോണയ്ക്ക് 35 മത്സരങ്ങളില് 81 പോയിന്റായി. റയല് മാഡ്രിഡിന് 34 മത്സരങ്ങളില് 81 പോയിന്റുണ്ട്. എന്നാല് ഗോള് ശരാശരിയില് ബാഴസയാണ് മുന്നില് ് . റയല് മാഡ്രിഡ് ഇന്നലെ ഒന്നിനെതിരേ രണ്ടു ഗോളുകള്ക്ക് വലന്സിയയെ തോല്പ്പിച്ചു.
എസ്പനോയലിനെതിരേ ബാഴ്സ തകര്ത്തുകളിച്ചു. ലയണല് മെസിക്ക് ഗോള് നേടാനായിലെങ്കിലും വിജയത്തിന് നിര്ണായ പങ്കു വഹിക്കാന് കഴിഞ്ഞു. കളം നിറഞ്ഞുകളിച്ച മെസി ഇവാന് റാകിടിക്കിന് ഗോള് നേടാന് അവസരം ഒരുക്കി.
ഇസ്പനോയലിനെതിരേ ബാഴ്സയുടെ തുടര്ച്ചയായ പതിനാറാം വജിയമാണിത്.
മറ്റൊരു മത്സരത്തില് അത്ലറ്റിക്കോ മാഡ്രിഡ് എതിരില്ലാത്ത അഞ്ചുഗോളുകള്ക്ക് ലാസ് പാമസിനെ പരാജയപ്പെടുത്തി. ഈ തകര്പ്പന് വിജയത്തോടെ അത്ലറ്റിക്കോ മാഡ്രിഡ് പോയിന്റു നിലയില് സെവിയ്യയെ പിന്തളളി മൂന്നാം സ്ഥാനത്തേയ്ക്ക് കയറി. 35 മത്സരങ്ങളില് അവര്ക്ക് 71 പോയിന്റുണ്ട്. സെവിയ്യ 68 പോയിന്റുമായി നാലാം സ്ഥാനത്താണ്.
