ബാഴ്സലോണ: വമ്പന് വിജയങ്ങള് കൊയ്ത് റയല് മാഡ്രിഡും ബാഴ്സലോണയും ലാ ലീഗില് ഒപ്പത്തിനൊപ്പം മുന്നേറുന്നു. ഇരു ടീമുകള്ക്കും 78 പോയിന്റു വീതമുണ്ട്. മാഡ്രിഡിന് 33 മത്സരങ്ങളില് നിന്നാണ് ഇത്രയും പോയിന്റ്.അതേസമയം ബാഴ്സലോണയ്ക്ക് 34 മത്സരങ്ങളില് നിന്നാണ് 78 പോയിന്റു നേടിയത്.
എല് ക്ലാസിക്കോ പോരാട്ടത്തില് ബാഴ്സലോണയോട് തോറ്റ റയല് മാഡ്രിഡ് ഇന്നലെ രണ്ടിനെതിരേ ആറുഗോളുകള്ക്ക് ഡിപോര്ട്ടിവോ ലാ കൊരുണയെ തോല്പ്പിച്ചു.
ബാഴ്സലോണ ഒന്നിനെതിരേ ഏഴു ഗോളുകള്ക്ക് ദുര്ബലരായ ഒസാസുനയെ തകര്ത്തു.
ലയണല് മെസി, ആന്ദ്രെ ഗോമസ് , പാക്കോ അല്ക്കാസര് എന്നിവര് ബാഴ്്സലോണയ്ക്കായി രണ്ടുഗോളുകള് വീതം നേടി. ഒരു ഗോള് ജാവീര് മസ്ക്കെരാനോയുടെ വകയായിരുന്നു. ബാഴ്സയക്കുവേണ്ടി ജാവീറിന്റെ ആദ്യ ഗോളാണിത്. പെനാല്റ്റിയിലൂടെയാണ് ജാവീര് ഗോള് നേടിയത്.
ഒസാസുനയുടെ ആശ്വാസ ഗോള് റോബര്ട്ടോ ടോറസിന്റെ ബൂട്ടില് നിന്നാണ് പിറന്നത്.
എല് ക്ലാസിക്കോയില് ബാഴ്സയോടു തോറ്റ ടീമില് ഒമ്പതു മാറ്റങ്ങള് വരുത്തിയാണ് റയല് മാഡ്രിഡ് ഡിപോര്ട്ടിവോ ലാ കൊരുണക്കെതിരേ മത്്സരിക്കാനിറങ്ങിത്. തകര്ത്തു കളിച്ച അവര് അനായാസം വിജയം സ്വന്തമാക്കി. ഇരു പകുതികളിലുമായി ജെയിംസ് റോഡ്രിഗ്സ് രണ്ടു ഗോള് നേടി.അല്വാരോ മോറാട്ട, ലൂക്കാസ് , ഇസ്ക്കോ, കസീമറോ എന്നിവര് ഓരോ ഗോള് നേടി.
ഡിപോര്ട്ടിവോയക്കുവേണ്ടി അന്ഡോണും ജോസ്ലുവുമാണ് സ്കോര് ചെയ്തത്്.
