കാഴഞ്ചേരി :കിടങ്ങന്നൂരില് സിപിഎംകാര് വീട് തകര്ത്തു. കിടങ്ങന്നൂര് വാഴേപ്പടി എല് വി ടി കോളനിക്കു സമീപം ഒട്ടാനിക്കല് രവീന്ദ്രന്റെ വീടാണ് കഴിഞ്ഞ രാത്രിയില് സംഘടിതരായി എത്തിയ മാര്ക്സിസ്റ്റ് അക്രമികള് തകര്ത്തത്. ആക്രമികള് വീടിന്റെ ജനലുകളും വാതിലുകളും തല്ലിതകര്ത്തു. വീടിനുള്ളില് കടന്ന അക്രമിസംഘം ഫാനും , ഷോകേസിലെ വസ്തുകകളും, പാത്രങ്ങളും നശിപ്പിച്ചു.വിട്ടിലുണ്ടായിരുന്ന മോട്ടോര്ബൈക്കിനും കേടുവരുത്തി. ഇതിനുപുറമെ രവീന്ദ്രന്റെ ‘അമ്മ തങ്കമ്മയുടെ രണ്ടു പവന്റെ സ്വര്ണമാലയും അക്രമികള് കവര്ന്നു .രവീന്ദ്രന്റെ മക്കളായ അഭിജിത് , അഖില് എന്നിവരെ വധിക്കുമെന്നും ഭീഷണിപ്പെടുത്തിയാണ് അക്രമികള് മടങ്ങിയത്.
ഈ പ്രദേശത്ത് സിപിഎംഅണികളുടെ കൊഴിഞ്ഞു പോക്കും ബി ജെ പി ശക്തി പ്രാപിക്കുന്നതിലുള്ള നിരാശയും ഭീതിയും ആണ് അക്രമത്തിനു സിപിഎം നെ പ്രേരിപ്പിക്കുന്നത്.കഴിഞ്ഞ കുറെ കാലമായ് സിപിഎം ന്റെ പ്രവര്ത്തനത്തിലും നിലപാടുകളിലും പ്രതിക്ഷേധിച്ചു പലരും പാര്ട്ടി പ്രവര്ത്തനത്തില് നിന്ന് വിട്ടു നില്ക്കുകയും ചെയ്തിരുന്നു. ചിലര് ബിജെപി അംഗത്വം എടുത്തു പ്രവര്ത്തിക്കുവാന് തയാര് ആവുകയും ഇതില് വിറളി കൊണ്ട് പ്രവര്ത്തകരെഭീഷണിപ്പെടുത്തി പിടിച്ചു നിര്ത്തുവാനുള്ള അവസാന ശ്രമമായിട്ടാണ് അക്രമം അഴിച്ചു വിടുന്നതെന്ന് നാട്ടുകാര് പറയുന്നു. സിപിഎം അക്രമത്തില് ഒരുലക്ഷത്തിലേറെ രൂപയുടെ നാശനഷ്ടമുണ്ടായതായി കണക്കാക്കുന്നു.ആറന്മുള പോലീസിലും വനിതാ കമ്മീഷനിലും രവീന്ദ്രന്റെ ഭാര്യ ഉഷാ കുമാരി പരാതി നല്കി .
