വാഴയൂര്‍: ബിജെപി പ്രവര്‍ത്തകനു നേരെ സിപിഎം അക്രമം. ബിജെപി വാഴയൂര്‍ പഞ്ചായത്ത് കമ്മിറ്റി മുന്‍ സെക്രട്ടറി പി.ടി. ഉദയകുമാറിനെയാണ് സിപിഎം- ഡിവൈഎഫ്ഐ സംഘം അക്രമിച്ചത്. ഉദയകുമാറിനെ മാരകമായി അക്രമിക്കുകയും ഉദയകുമാര്‍ ഓടിച്ചിരുന്ന്ഓട്ടോറിക്ഷ അടിച്ചുതകര്‍ക്കുകയും ചെയ്തു.
വ്യാഴാഴ്ച രാത്രി പത്തോടെ പുതുക്കോട് അങ്ങാടിക്ക് സമീപം വെച്ചായിരുന്നു അക്രമം. ഓട്ടോറിക്ഷ തടഞ്ഞു നിര്‍ത്തിയാണ് അക്രമം അഴിച്ചുവിട്ടത്. ഡിവൈഎഫ്ഐക്കാരും പുതുക്കോട് സ്വദേശികളുമായ വിഷ്ണു, വൈശാഖ്, ജിഷ്ണു എന്നിവരുടെ നേതൃത്വത്തിലായിരുന്നു അക്രമം. അക്രമത്തില്‍ പരിക്കേറ്റ ഉദയകുമാറിനെ ചുങ്കത്തെ സ്വകാര്യ ആശുപത്രിയില്‍ പ്രവേശിപ്പിച്ചു. അക്രമത്തില്‍ പ്രതിഷേധിച്ച് ബിജെപി പ്രവര്‍ത്തകര്‍ പുതുക്കോട്ട് പ്രകടനം നടത്തി. പോലീസില്‍ പരാതി നല്‍കിയിട്ടുണ്ട്.
പുതുക്കോട് സമാധാനം തകര്‍ക്കാനുള്ള നീക്കം സിപിഎം അവസാനിപ്പിക്കണമെന്ന് ബിജെപി ആവശ്യപ്പെട്ടു. മലപ്പുറം ലോക്സഭാ ഉപതെരഞ്ഞെടുപ്പിന്റെ പ്രചരണാര്‍ത്ഥം ബിജെപി പുതുക്കോട് അങ്ങാടിയില്‍ സ്ഥാപിച്ചിരുന്ന ബോര്‍ഡുകള്‍ കഴിഞ്ഞ ദിവസം രാത്രി നശിപ്പിച്ചിരുന്നു. ഇതിന് പിന്നാലെയാണ് ബിജെപി വാഴയൂര്‍ പഞ്ചായത്ത് കമ്മറ്റി മുന്‍ സെക്രട്ടറികൂടിയായ ഉദയകുമാറിനു നേരെ അക്രമമുണ്ടായത്.
പ്രതികരിക്കാൻ ഇവിടെ എഴുതുക: