പൊന്നാനി: ഭീതിപടര്ത്തി പൊന്നാനിയിലും പരിസര പ്രദേശങ്ങളിലും സിപിഎം നടത്തുന്ന അക്രമങ്ങള് അവസാനിപ്പിക്കണമെന്ന് ബിജെപി ദേശീയ നിര്വ്വാഹക സമിതിയംഗം ശോഭാ സുരേന്ദ്രന്. കഴിഞ്ഞ ദിവസം സിപിഎം ആക്രമണത്തില് പരിക്കേറ്റ ദമ്പതികളെ ആശുപത്രിയില് സന്ദര്ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അവര്. പൊന്നാനി മണ്ഡലത്തിന്റെ വിവിധ ഭാഗങ്ങളില് ഇത്തരം അക്രമങ്ങള് തുടര്ക്കഥയാകുകയാണ്. ഭണത്തിന്റെ അഹങ്കാരവും പോലീസിന്റെ മൃദു സമീപനവുമാണ് ഇവര്ക്ക് പ്രചോദനമാകുന്നത്. കുറ്റവാളികളെ നിലക്കുനിര്ത്താന് സിപിഎം നേതൃത്വം തയ്യാറായില്ലെങ്കില് ജനാധിപത്യ രീതിയില് ശക്തമായി ബിജെപി നേരിടുമെന്നും അവര് പറഞ്ഞു. സംസ്ഥാന സമിതിയംഗം കെ.കെ.സുരേന്ദ്രന്, നടരാജന് നടുവട്ടം എന്നിവരും അവര്ക്കൊപ്പമുണ്ടായിരുന്നു.
സംഭവത്തില് യുവമോര്ച്ച മണ്ഡലം കമ്മറ്റി പ്രതിഷേധിച്ചു. യോഗത്തില് കെ.പി.മണികണ്ഠന്, വിനോദ് കയ്യാലശ്ശേരി, അനീഷ്, കെ.പി.രാഹുല്, വിബിന് കോക്കൂര്, സതീഷ് മുക്കല എന്നിവര് സംസാരിച്ചു.
