ചങ്ങരംകുളം: മൂക്കുതലയില് സിപിഎം നടത്തിയ ആക്രമണത്തില് ബിജെപി പ്രവര്ത്തകന് പരിക്കേറ്റു. പഴയപടിക്കല് സുബ്രഹ്മണ്യന്റെ മകന്റെ ഷിബിന്ലാല്(22)നെയാണ് സിപിഎമ്മുകാര് ആക്രമിച്ചത്. പുളിഞ്ചോട് തൃക്കണ്ടപുരം ക്ഷേത്രോത്സവത്തിനെത്തിയ ഷിബിന് ബന്ധുവീട്ടില് സംസാരിച്ചുകൊണ്ട് നില്ക്കവെയാണ് ഒരുസംഘം സിപിഎമ്മുകാര് മാരാകായുധങ്ങളുമായെത്തി ആക്രമിച്ചത്. ഇരുമ്പ് പൈപ്പുകൊണ്ട് തലക്കടിച്ചുവീഴ്ത്തി. ഗുരുതരമായി പരിക്കേറ്റ ഷിബിന് ചങ്ങരംകുളത്തെ സ്വകാര്യ ആശുപത്രിയില് ചികിത്സയിലാണ്. സിപിഎം പ്രവര്ത്തകന് ഫഹദ് നരണിപ്പുഴയുടെ നേതൃത്വത്തിലുള്ള സംഘമാണ് തന്നെ ആക്രമിച്ചതെന്ന് ഷിബിന് പോലീസിന് മൊഴി നല്കിയിട്ടുണ്ട്.
ചങ്ങരംകുളം ഭാഗത്ത് സിപിഎമ്മുകാര് ക്ഷേത്രോത്സവങ്ങള് അലങ്കോലപ്പെടുത്താന് ശ്രമിക്കുന്നത് നിത്യസംഭവമാണ്. ഭരണത്തിന്റെ അഹങ്കാരവും പോലീസിന്റെ മൃദു സമീപനവുമാണ് ഇവര്ക്ക് പ്രചോദനമാകുന്നത്. അക്രമികളെ നിലക്കുനിര്ത്താന് സിപിഎമ്മും പോലീസും ശ്രമിച്ചില്ലെങ്കിലും ബിജെപി ശക്തമായി നേരിടുമെന്ന് നേതാക്കള് പറഞ്ഞും യോഗത്തില് പി.മുനീഷ്, സുധാകരന് നന്നംമുക്ക്, പ്രസാദ് പടിഞ്ഞാക്കര, വിജയന് മടത്തിപ്പാടം, കെ.സതീശന് എന്നിവര് സംസാരിച്ചു.
