കോഴഞ്ചേരി: അന്താരാഷ്ട്ര ജലദിനത്തോടനുബന്ധിച്ച് കര്ഷകമോര്ച്ച ജില്ലാ കമ്മിറ്റിയുടെ നേതൃത്വത്തില് പമ്പാനദിയില് ജലപൂജയും പ്രതിജ്ഞയും നടത്തി. ആറന്മുള സത്രക്കടവില് കര്ഷക മോര്ച്ച ജില്ലാ പ്രസിഡന്റ് പി. ഉണ്ണികൃഷ്ണന്റെ അധ്യക്ഷതയില് പമ്പാപരിരക്ഷണ സമിതി ജനറല് സെക്രട്ടറി സുകുമാരന്നായര് ഉദ്ഘാടനം ചെയ്തു.
സംസ്ഥാന വൈസ് പ്രസിഡന്റ് സുരേഷ് കാദംബരി ജലപൂജ നിര്വ്വഹിച്ചു. ബിജെപി ജില്ലാ വൈസ് പ്രസിഡന്റ് വിജയകുമാര് മണിപ്പുഴ, കര്ഷക മോര്ച്ച ജില്ലാ ജനറല് സെക്രട്ടറി വിനോദ് തിരുമൂലപുരം, യുവ മോര്ച്ച ജില്ലാ പ്രസിഡന്റ് സിബിസാം തോട്ടത്തില്, മഹിളമോര്ച്ച ജില്ലാ വൈസ് പ്രസിഡന്റ് രാധാമണിയമ്മ, കര്ഷക മോര്ച്ച മണ്ഡലം പ്രസിഡന്റ് ടി പ്രസന്നകുമാര്, ജനറല് സെക്രട്ടറി പി. സുരേഷ്കുമാര്, ബിജെപി ആറന്മുള പഞ്ചായത്ത് പ്രസിഡന്റ് വി. സുരേഷ് കുമാര്, ഗ്രാമപഞ്ചായത്ത് മെമ്പര്മാരായ സുജാസുരേഷ്, വസന്തകുമാര്, ഭാരവാഹികളായ കെ.പി. അശോകന്, നിതീഷ്, അനില്കാലായില്, അനില്പുല്ലാട്, മാധവന് പിള്ള, രാജശേഖരന്, അനില്കുമാര്, കെ.കെ സദാനന്ദന് തുടങ്ങിയവര് പങ്കെടുത്തു.
