അഞ്ചല്: ചിതറ ഗ്രാമപഞ്ചായത് ഓഫീസില് ബിജെപി ഗ്രാമപഞ്ചായത്തംഗങ്ങള് ധടത്തിവന്ന സത്യാഗ്രഹം അവസാനിപ്പിച്ചു. ചടയമംഗലം എംഎല്എ മുല്ലക്കര രത്നാകരനും ബിജെപി മണ്ഡലം നേതൃത്വവും പഞ്ചായത്ത് പ്രസിഡന്റിന്റെ സാന്നിദ്ധ്യത്തില് നടന്ന ചര്ച്ചയില് ചിതറ പഞ്ചായത്തില് കുടിവെള്ളം ലഭ്യമാക്കണമെന്നാവശ്യപ്പെട്ടു കൊണ്ട് നിരാഹാരം നടത്തിവന്ന ബിജെപി മെമ്പര്മാരായ മനോജ്കുമാര്, പേഴുംമൂട് സണ്ണി, മതിര അനില്കുമാര് എന്നിവര് നടത്തിയിരുന്ന സത്യഗ്രഹമാണ് അവസാനിപ്പിച്ചത്. എംഎല്എ മുല്ലക്കര രത്നാകരനമായി നടന്ന ചര്ച്ചയില് ബിജെപി മണ്ഡലം പ്രസിഡന്റ് പുത്തയം ബിജു, ജനറല് സെക്രട്ടറി പാറം കോട് ബിജു എന്നിവര് ആശയവിനിമയം നടത്തി. സെക്രട്ടറി മനു ദീപം, വയല അജയന്, മെമ്പര്മാര് എന്നിവരുടെ സാന്നിദ്ധ്യത്തിലാണ് ചര്ച്ച നടന്നത്. ഇന്നുമുതല് ചിതറ പഞ്ചായത്തിലെ എല്ലാവാര്ഡിലും ജലം ലഭ്യമാക്കുമെന്നും മാര്ച്ച് ആറുമുതല് എല്ലാ വാര്ഡിലും കുടിവെള്ളത്തിനായുള്ള ശുദ്ധജലം ലഭ്യമാക്കാമെന്നും എംഎല്എ ഉറപ്പു നല്കിയതിന്റെ അടിസ്ഥാനത്തില് മതിര അനില്കുമാര് നടത്തിവന്ന നിരാഹാരം എംഎല്എ നാരാങ്ങാനീര് നല്കി അവസാനിപ്പിച്ചു. തീരുമാനത്തിന് എന്തെങ്കിലും മാറ്റമുണ്ടായാല് ചടയമംഗലം മണ്ഡലം കമ്മിറ്റിയുടെ നേതൃത്വത്തില് സമരം ഏറ്റെടുക്കുമെന്ന് പുത്തയം ബിജു പറഞ്ഞു.
ബിജെപി നിരാഹാര സമരം വിജയിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.