തിരുവല്ല: എഴുമറ്റൂര് കൂലിപ്പാറ തടത്തില് സൂസമ്മ എന്ന നാല്പ്പത്തിയെട്ടുകാരിക്ക് ഇനി ജീവിതം മുന്നോട്ടുപോകാന് സുമനസുകളുടെ കരുണവേണം. 2 പെണ്കുട്ടികളുമായി ,
ജീവിതോപാധികളില്ലാതെ, രോഗാധിക്യത്താല് കഴിയുന്ന ഇവരുടെ അവസ്ഥ വളരെ പരിതാപകരമാണ്.ഈ യുവതിയുടെ ഭര്ത്താവ് തമിഴുനാട് സ്വദേശിയായിരുന്നു. അയാള് ഏഴുവര്ഷം മുന്പ് പെട്ടന്ന് ഹൃദയാഘാദത്താല് മരണപ്പെട്ടു. ഈ യുവതി കൂലിവേല ചെയ്തു 2 പെണ്കുട്ടികളെ വളര്ത്തി .പെട്ടന്നാണ് ജീവിതത്തില് കരിനിഴല് വീഴ്ത്തി നട്ടെല്ലിന് അര്ബുദം പിടിപെട്ടത്.തുടര്ചികില്സയില് ഇരുകിഡ്നികളും തകരാറിലാണെന്നും കണ്ടെത്തി. ഇപ്പോള് അര്ബുദത്തിനുള്ള കീമോയും കിഡ്നി തകരാറിനുള്ള ഡയാലിസിസും ചെയ്തു വരുന്നു. ഈ കുടുംബത്തിന് സ്വന്തമായി വീടോ സ്ഥലമോ ഇല്ലാത്തതിനാല് കൂലിവേലക്കാരനായ സഹോദരനോടെപ്പമാണ് താമസ്സിച്ചുവരുന്നത്. പഠനത്തില് സമര്ത്ഥരായ ഫേബ (20), ഫേം (16) എന്നീ പെണ്കുട്ടികളുടെ തുടര്പഠനത്തിനും മാതാവിന്റെ ചകില്സക്കും മാര്ഗ്ഗമില്ലാതെ വലയുന്നു. സുമനസ്സുകള് ഈ കുടുംബത്തെ സഹായിക്കുന്നതിലേക്ക് എഴുമറ്റൂര് സെന്ട്രല് ബാങ്കില് സൂസമ്മയുടെ പേരില് അക്കൗണ്ടെ തുറന്നു. നമ്പര്: 3588252946, കോഡ്: 280950, ഫോണ് നമ്പര്: 9562143082
