കോഴഞ്ചേരി: സുഷിരവാദ്യ മത്സരത്തില്‍ ഒന്നാം സ്ഥാനം കരസ്ഥമാക്കി അഖില്‍ അനില്‍കുമാര്‍. എംജി യൂണിവേഴ്‌സിറ്റി കലോത്സവത്തത്തിലെ കന്നിമത്സരത്തില്‍ തന്നെ ഒന്നാം സ്ഥാനം കരസ്ഥമാക്കിയ അഖില്‍ ചങ്ങനാശേരി എന്‍എസ്എസ് ഹിന്ദു കോളേജിലെ ബിഎ എക്കണോമിക്‌സ് രണ്ടാം വര്‍ഷ വിദ്യാര്‍ത്ഥിയാണ്.
കഴിഞ്ഞ വര്‍ഷത്തെ എംജി യൂണിവേഴ്‌സിറ്റി കലോത്സവത്തില്‍ മത്സരിക്കുവാനായി പേര് നല്‍കിയെങ്കിലും പരിപാടി നടത്തുന്ന ദിവസത്തില്‍ മാറ്റം വരുത്തിയതിനാല്‍ തനിക്ക് മത്സരിക്കാന്‍ സാധിച്ചില്ലെന്ന് അഖില്‍ പറയുന്നു. ആറു വര്‍ഷമായി സംഗീതവും , മൂന്ന് വര്‍ഷമായി സുഷിരവാദ്യവും അഭ്യസിക്കുന്ന അഖില്‍ സ്‌കൂള്‍ കലോത്സവത്തില്‍ തുടര്‍ച്ചയായി അഞ്ച് വര്‍ഷം ഒന്നാം സ്ഥാനം നേടിയിട്ടുണ്ട്. പിതാവ് അനില്‍കുമാര്‍ ഘടം ആര്‍ട്ടിസ്റ്റും ദേവസ്വം ബോര്‍ഡ് ജീവനക്കാരനുമാണ്. മാതാവ് അമ്പിളി, സഹോദരന്‍ അനന്ദു എന്നിവരാണ് അഖിലിന്റെ കുടുംബാംഗങ്ങള്‍.
പ്രതികരിക്കാൻ ഇവിടെ എഴുതുക: