മലപ്പുറം: ബിഎസ്എന്‍എല്‍ കരാര്‍ തൊഴിലാളികളെ സ്ഥിരപ്പെടുത്തണമെന്ന് ആവശ്യപ്പെട്ട് ക്യാഷ്വല്‍ മസ്ദൂര്‍ സംഘിന്റെ നേതൃത്വത്തില്‍ ജില്ലാ ജനറല്‍ മാനേജര്‍ ഓഫീസ് മാര്‍ച്ച് നടത്തി.
ബിഎംഎസ് ജില്ലാ പ്രസിഡന്റ് ഒ.ഗോപാലന്‍ ഉദ്ഘാടനം ചെയ്തു. കരാര്‍ തൊഴിലാളികളെ ഭീഷണിപ്പെടുത്തി അടിമകളെ പോലെ ജോലി ചെയ്യിക്കുന്ന ഉദ്യോഗസ്ഥര്‍ക്കെതിരെ നടപടി സ്വീകരിക്കണമെന്നും, കോണ്‍ട്രാക്ടര്‍മാരുമായുള്ള ഉദ്യോഗസ്ഥരുടെ ഒത്തുകളി അവസാനിപ്പിക്കണമെന്നും അദ്ദേഹം ആവശ്യപ്പെട്ടു.
ബോണസ് അനുവദിക്കുക, ശമ്പളത്തോട് കൂടി ആഴ്ചയില്‍ ഒരുദിവസം ലീവ് അനുവദിക്കുക, തുല്യജോലിക്ക് തുല്യവേതനം ഉറപ്പുവരുത്തുക, ഐഡി കാര്‍ഡ് നല്‍കുക തുടങ്ങി വിവിധ ആവശ്യങ്ങളുന്നയിച്ചായിരുന്നു സമരം.
യോഗത്തില്‍ ക്യാഷ്വല്‍ മസ്ദൂര്‍ സംഘ് ജില്ലാ പ്രസിഡന്റ് പി.കെ.ബൈജു അദ്ധ്യക്ഷനായി. സിഎംഎസ് സംസ്ഥാന വര്‍ക്കിംങ് പ്രസിഡന്റ് വാസു വയനാട് മുഖ്യപ്രഭാഷണം നടത്തി. ബിഎംഎസ് ജില്ലാ ജോ.സെക്രട്ടറി വേലായുധന്‍, ബിടിഇയി ജില്ലാ പ്രസിഡന്റ് വി.പ്രഭാകരന്‍, ജില്ലാ സെക്രട്ടറി പ്രേമന്‍ എന്നിവര്‍ സംസാരിച്ചു. പി.അനൂപ്കുമാര്‍ സ്വാഗതവും എസ്.ഗിരീഷ്‌കുമാര്‍ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: