കോട്ടയം: കേന്ദ്രം അനുവദിച്ച റേഷനരി ജനങ്ങള്ക്ക് നല്കാതെ എല്ഡിഎഫ് ജനങ്ങളെ പട്ടിണിയിലാക്കുന്നതായി യുവമോര്ച്ച ജില്ലാ പ്രസിഡന്റ് അഖില് രവീന്ദ്രന്. യുവമോര്ച്ചയുടെ നേതൃത്വത്തില് സംസ്ഥാനത്തുടനീളം നടന്ന സപ്ലൈ ആഫീസ് പിക്കറ്റിംഗിന്റെ ഭാഗമായി നടന്ന ഉപരോധസമരം ഉദ്ഘാടനം ചെയ്യുകയായിരുന്നു അദ്ദേഹം. എഫ്്സിഐ ഗോഡൗണുകളില് അരി കെട്ടിക്കിടക്കുമ്പോഴാണ് വിതരണം ചെയ്യാതെ സര്ക്കാര് ജനങ്ങളെ പട്ടിണിക്കിടുന്നത്. അരി മുതലാളിമാരും സംസ്ഥാന സര്ക്കാരും ഉദ്യോഗസ്ഥരും ചേര്ന്നുള്ള ഒത്തുകളിയും അഴിമതിയുമാണ് ഇതിന്റെ പിന്നില്. പൊതുവിതരണ സമ്പ്രദായം അട്ടിമറിച്ചത് ഇതിന്റെ ഭാഗമാണ്. കേരളീയരുടെ മുഖ്യാഹാരമായ അരി ലഭ്യത കുറയുമ്പോള് സ്വകാര്യമുതലാളിമാര് അരിവിലകൂട്ടുന്നു. ഇതിന്റെ ലാഭം ഭരണക്കാരുടെ പോക്കറ്റുകളിലെത്തുന്നു. ഇതാണ് ഇവിടെ സംഭവിക്കുന്നത്.
നിത്യോപയോഗ സാധനങ്ങള്ക്കും വില കുതിച്ച് കയറുമ്പോള് ഭക്ഷ്യമന്ത്രി നടപടിയെടുക്കാന് മടിക്കുന്നു. ഇതിനെതിരെ ജനങ്ങള് സംഘടിച്ച് പ്രതിഷേധിച്ചാല് അവരെ മര്ദ്ദിച്ചൊതുക്കുന്നു. സ്റ്റാലിനിസമാണ് ഇന്ന് കേരളത്തില് നടക്കുന്നത്. രാഷ്ട്രീയ പ്രതിയോഗികളെ വകവരുത്തിക്കൊണ്ട് ജനങ്ങളുടെ പ്രശ്നങ്ങളില് നിന്ന് ഒളിച്ചോടുന്ന ഭരണമാണ് കേരളത്തിലെന്നും ഇതിനെതിരെ മരണംവരെ പോരാടുമെന്നും അദ്ദേഹം പറഞ്ഞു.
നിയോജകമണ്ഡലം പ്രസിഡന്റ് റിനു.കെ.മണി അദ്ധ്യക്ഷത വഹിച്ചു. ജില്ലാ ജനറല് സെക്രട്ടറി കെ.എസ്. ഗോപന്, സെക്രട്ടറി സോബിന്ലാല്, ബിജെപി ജില്ലാ സെക്രട്ടറി കെ.പി. ഭുവനേശ്, ബിജെപി നിയോജകമണ്ഡലം ജനറല് സെക്രട്ടറിമാരായ രണരാജന്, വി.പി. മുകേഷ്, ജില്ലാകമ്മിറ്റിയംഗം കുടമാളൂര് രാധാകൃഷ്ണന്, ഏറ്റുമാനൂര് നിയോജകമണ്ഡലം പ്രസിഡന്റ് കെ.ജി.ജയകുമാര്, ജനറല് സെക്രട്ടറി ആന്റണി അറയില്, നാസര് റാവുത്തര്, സിന്ധു അജിത്ത്, വിനോദിനി അമ്മ തുടങ്ങിയവര് സംസാരിച്ചു.
പാലായില് ബിജെപി നിയോജകമണ്ഡലം പ്രസിഡന്റ് സോമശേഖരനും കാഞ്ഞിരപ്പള്ളിയില് ബിജെപി ജില്ലാ ട്രഷറര് കെ.ജി.കണ്ണനും, വൈക്കത്ത് യുവമോര്ച്ച ജില്ലാ ജനറല് സെക്രട്ടറി ലാല്കൃഷ്ണയും ഉദ്ഘാടനം ചെയ്തു.
ചങ്ങനാശ്ശേരിയില് ബിജെപി സംസ്ഥാന സമിതി അംഗം എം.ബി രാജഗോപാല് ഉദ്ഘാടനം ചെയ്തു. യുവമോര്ച്ച മണ്ഡലം പ്രസിഡന്റ വിഷ്ണു ഗോപിദാസ് അദ്ധ്യക്ഷത വഹിച്ചു. ബിജെപി നിയോജക മണ്ഡലം പ്രസിഡന്റ് എം.എസ് വിശ്വനാഥന്, ജനറല് സെക്രട്ടറി ബി. ആര്. മഞ്ജീഷ്, സംസ്ഥാനസമിതി അംഗം എന്.പി. കൃഷ്ണകുമാര്, ഒബിസി മോര്ച്ച ജില്ലാ ജനറല് സെക്രട്ടറി എം.പി.രവി, യുവമോര്ച്ച ജില്ലാകമ്മറ്റി അംഗം ശരത്കുമാര്, മണ്ഡലം ജനറല് സെക്രട്ടറി പ്രശാന്ത് ദാമോദരന്, സെക്രട്ടറി സുനില്കുമാര്, ആര്യാ ഷാജി, രാജീവ് എസ് നായര്, സുജിത്ത് പ്രഭാകരന്, കുമാര് ശിബിരം എന്നിവര് പ്രസംഗിച്ചു.
