കല്‍പ്പറ്റ : പടിഞ്ഞാറത്തറ പാണ്ടംകോട് മന്ത്രവാദവും വ്യാജ ചികിത്സയും നടത്തുന്ന അന്‍വര്‍ സാദത്ത് എന്ന വ്യാജ സിദ്ധനെതിരെ നടപടി സ്വീകരിക്കണമെന്ന് പാണ്ടംകോട് ജനകീയ സമിതി പത്രസമ്മേളനത്തില്‍ ആവശ്യപ്പെട്ടു. അന്‍വര്‍ സാദത്ത് വര്‍ഷങ്ങളായി മന്ത്രവാദവും വ്യാജചികിത്സയും നടത്തി വിശ്വാസികളെ ചൂഷണം ചെയ്യുകയാണ്. നാട്ടുകാര്‍ നിരവധി തവണ പരാതി നല്‍കുകയും പ്രക്ഷോഭങ്ങള്‍ സംഘടിപ്പിക്കുകയും ചെയ്തിട്ടും ഉദ്യോഗസ്ഥരെ സ്വാധീനിച്ച് കേസ് ഒതുക്കിത്തീര്‍ക്കുകയാണ്.
സമീപവാസികളായ ആദിവാസികളെ വിശ്വാസത്തിന്റെ പേരില്‍ ചൂഷണം ചെയ്തും ഭയപ്പെടുത്തിയും കൂടെ നിര്‍ത്തുകയാണ്. ചുറ്റുമതില്‍ തീര്‍ത്ത് സിസി ക്യാമറ ഉള്‍പ്പടെയുള്ള സുരക്ഷാ സംവിധാനങ്ങള്‍ ഒരുക്കി അതിനുള്ളിലാണ് മന്ത്രവാദവും വ്യാജചികിത്സയും നടത്തുന്നത്. അന്യസംസ്ഥാനക്കാരായ നിരവധി ആളുകള്‍ ഇവിടെ സ്ഥിരതാമസമാക്കിയിട്ടുണ്ട്. ഇവരുടെ നേതൃത്വത്തില്‍ നാട്ടുകാരെ ഭീഷണിപ്പെടുത്തുന്നതും കയ്യേറ്റം ചെയ്യുന്നതും പതിവാണ്.
ഇവിടെ എത്തുന്ന സന്ദര്‍ശകര്‍ ഉപേക്ഷിക്കുന്ന മാലിന്യങ്ങളും കോഴിയുടേയും മറ്റ് അവശിഷ്ടങ്ങളും രാത്രികാലങ്ങളില്‍ ഇവിടെ നിന്നുള്ള ശബ്ദമലിനീകരണങ്ങളും പ്രദേശവാസികള്‍ക്ക് ഗുരുതരമായ ആരോഗ്യപ്രശ്‌നങ്ങള്‍ ഉണ്ടാക്കുകയും സൈ്വര്യജീവിതത്തിന് തടസം സൃഷ്ടിക്കുകയുമാണ്. ഇവിടെ എത്തുന്നവരുടെ വാഹനങ്ങള്‍ ഗതാഗത തടസം സൃഷ്ടിക്കുന്നതും പതിവാണ്. സ്ത്രീകള്‍ക്ക് നേരെ ചികിത്സയുടെ മറവില്‍ ലൈംഗികാതിക്രമങ്ങള്‍ നടത്തിയതിന്റെ പേരില്‍ പോലീസ് കേസ് ഉണ്ടായിട്ടുണ്ട്. ചില പോലീസ് ഉദ്യോഗസ്ഥര്‍ സ്ഥിരമായി ഇവിടെ എത്തുകയും ഇയാള്‍ക്ക് ആവശ്യമായ സഹായങ്ങള്‍ ചെയ്തുകൊടുക്കുകയും ചെയ്യുന്നുണ്ട്. കല്‍പ്പറ്റ ഡിവൈ എസ്പി ഓഫീസി ലെ ഒരു പോലീസ് ഉദ്യോഗ സ്ഥന്‍ ഇവിടെ സ്ഥിരതാ മസമാണെന്നും അനാശാ സ്യപ്രവര്‍ത്തനങ്ങള്‍ നടക്കു ന്നതായി സംശയമു ണ്ടെന്നും ഇവര്‍ പറഞ്ഞു. ഇവിടെ എത്തുന്ന ഹിന്ദുമത വിശ്വാസികള്‍ക്ക് ഹിന്ദു ആചാരപ്രകാരവും മുസ്ലിം മതവിശ്വാസികള്‍ക്ക് മുസ്ലിം രീതിയുള്ള മന്ത്രമവാദകര്‍മ്മങ്ങളാണ് നടത്തുന്നത്. പൊഴുതനയില്‍ ഓട്ടോ ഡ്രൈവറായിരുന്ന അന്‍വര്‍ സാദത്ത് കുറഞ്ഞകാലത്തിനുള്ളില്‍ നിരവധി ഭൂമിയും ആഡംബരവാഹനങ്ങളും സ്വന്തമാക്കിയിട്ടുണ്ട്. ഇയാളുടെ സാമ്പത്തിക സ്രോതസിനെക്കുറിച്ച് അന്വേഷണം നടത്തണമെന്നും നിയമനടപടി സ്വീകരിക്കണം.
പത്രസമ്മേളനത്തില്‍ പാണ്ടംകോട് ജനകീയസമിതി അംഗങ്ങളായ പി.ഡി.പീറ്റര്‍, എം. കെ.സദാശിവന്‍, ഷമീര്‍ കടവണ്ടി, റഷീദ് വാഴയില്‍, ഷംസുധീന്‍ എന്നിവര്‍ പ ങ്കെടുത്തു.
പ്രതികരിക്കാൻ ഇവിടെ എഴുതുക: