പാവറട്ടി: മുല്ലശ്ശേരി പഞ്ചായത്തിലെ പുല്ലൂര് പാലത്തിന് സമീപം തടയണ നിര്മ്മിക്കാത്തതില്പ്രതിഷേധിച്ച് ബിജെപി കര്ഷക മോര്ച്ച പഞ്ചായത്ത് കമ്മിറ്റിയുടെ നേതൃത്വത്തില് മനുഷ്യതടയണ നിര്മ്മിച്ചു.
അമ്പതോളം പ്രവര്ത്തകര് കൈകള് കോര്ത്ത് മുനുഷ്യതടയണയായി പുഴക്കു കുറുകെ അണിനിരന്നു. മേഖലയില് ഉപ്പുവെള്ളം കയറി കൃഷിനാശം സംഭവിക്കുകയും, കടുത്ത ജലക്ഷാമം അനുഭവിക്കുകയും ചെയ്യുന്ന സാഹചര്യത്തിലാണ് തടയണ നിര്മ്മിക്കണമെന്നാവശ്യപ്പെട്ട് സൂചനസമരവുമായി ബിജെപി പ്രവര്ത്തകര് രംഗത്തെത്തിയത്. തടയണ നിര്മ്മിക്കുന്നതിനു വേണ്ട നടപടികള് അടിയന്തിരമായി ജനപ്രതിനിധികളും, അധികൃതരും സ്വീകരിക്കണമെന്നും, നടപടിയുണ്ടെയില്ലെങ്കില് ശ്കതമായ പ്രതിഷേധങ്ങളുമായി രംഗത്തെത്തുമെന്നും ബിജെപി അറിയിച്ചു.
കര്ഷക മോര്ച്ച മണ്ഡലം പ്രസിഡണ്ട് രഞ്ജിത്ത് ചൂണ്ടല് ഉദ്ഘാടനം ചെയ്തു. സഹദേവന് അധ്യക്ഷത വഹിച്ചു. മനോജ് വാഴപ്പിലാത്ത്, വിനു നരിയംപുള്ളി, മോഹനന് കളപുരക്കല്, കെ.എം.അരുണ്, ഷാജി നാലുപുരക്കല്, ചന്ദ്രന് നെടിയേടത്ത് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: