ഏച്ചോം :പനമരത്ത് പ്രവര്‍ ത്തിച്ചിരുന്ന വിദേശമദ്യശാല ഏച്ചോത്തേക്ക് മാറ്റാനുള്ള നീക്കത്തിനെതിരെ വന്‍പ്രതിഷേധം. മദ്യഷാപ്പ് തുടങ്ങരുതെന്നാവശ്യപ്പെട്ട് ജനകീയസംയുക്തസമിതിയുടെ നേതൃത്വ ത്തിലാണ് പ്രതിഷേധ കൂട്ടായ്മ. സ്ത്രീകളും കുട്ടികളും ആദിവാസി വിഭാഗത്തില്‍പെട്ടവരും ഉള്‍പ്പെടെ നൂറുകണക്കിന് ആളുകള്‍ പങ്കെടുത്തു. എന്‍.കെ.രാജീവന്‍, എം.പി. ഗംഗാധരന്‍, സുലൈമാന്‍ കാരമല്‍, ഫാ. ബേബി ചാലി ല്‍, ഫാ. ജോസഫ് പരുവുമ്മേ ല്‍, ബെന്നി അരിഞ്ചേര്‍മല, ജോസ് പുന്നക്കുഴി, എം.സദാനന്ദന്‍ തുടങ്ങിയവര്‍ സംസാരിച്ചു. ശിവക്ഷേത്രം, മുക്രാമൂല, അരിഞ്ചേര്‍മല, പള്ളിക്കുന്ന്, കുറുമ്പാലക്കോട്ട ദേവാലയങ്ങള്‍. സര്‍വോദയ ഹയര്‍സെക്കന്‍ഡറി, ലൂര്‍ദ്മാതാ ഹയര്‍സെക്കന്റി, ആര്‍സി എല്‍ പി, വിളമ്പുകണ്ടം ജിഎല്‍പി സ്‌കൂള്‍ എന്നിവിടങ്ങളിലെ വിദ്യാര്‍ഥികള്‍ സഞ്ചരിക്കുന്ന വഴിയിലാണ് മദ്യശാല തുടങ്ങുന്നത്. കര്‍ഷകരും ആദിവാസികളും സാധാരണക്കാരും തിങ്ങിപാര്‍ക്കുന്ന പ്രദേശത്തിന്റെ സൈ്വര്യജീവിതം നശിക്കുന്നതാണ് മദ്യശാല. ജാതിമരാഷ്‌ട്രീയ ചിന്തകള്‍ക്കതീതമായി നാടൊന്നാകെ മദ്യശാലക്കെതിരെ പ്രക്ഷോഭവുമായി രംഗത്തുണ്ട്. മദ്യശാല തുടങ്ങിയാല്‍ വന്‍ പ്രക്ഷോഭത്തിന് നേതൃത്വം നല്‍കുമെന്നാണ് ബന്ധ പ്പെട്ടവര്‍ പറയുന്നത്.
Friday, January 31, 2025
വിദേശമദ്യശാല മാറ്റാനുള്ള നീക്കത്തിനെതിരെ വന്‍പ്രതിഷേധം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: