കല്‍പറ്റ: കല്‍പ്പറ്റ നഗരസഭ 13-ാം പഞ്ചവത്സര പദ്ധതിയുടെ ഭാഗമായി വര്‍ക്കിംഗ് ഗ്രൂപ്പ് മീറ്റിംഗ് നടന്നു. വിവിധ വര്‍ക്കിംഗ് ഗ്രൂപ്പുകളായി പൊതു ഭരണം, ധനകാര്യം കൃഷി അനുബന്ധ മേഖലകളും , മൃഗസംരക്ഷണം ക്ഷീര വികസനം , പ്രദേശിക സാമ്പത്തിക വികസനം , ശുചിത്വം, മാലിന്യ സംസ്‌കരണം , ദാരിദ്ര ലഘുകരണം , പേര് പരിഷ്‌കരണം , സാമൂഹ്യ നീതി, പട്ടികജാതി വികസനം, പട്ടിക വര്‍ഗ്ഗ വികസനം , വനിതാ വികസനം, ആരോഗ്യം, വിദ്യാഭ്യാസം, കായിക യുവജന ക്ഷേമം, പൊതുമരാമത്ത് ഊര്‍ജ്ജം, പാര്‍പ്പിടം , കുടിവെള്ളം നാഗരാസൂത്രണം എന്നീ 16 വര്‍ക്കിംഗ് ഗ്രൂപ്പുളും യോഗം കൂടി പദ്ധതിക്ക് തുടക്കം കുറിച്ചു. 2017-18 കാലയളവില്‍ നഗരസഭയുടെ ഫണ്ടില്‍ ഒതുങ്ങികൊണ്ടുള്ള വികസന പദ്ധതിക്ക് രൂപരേഖ തയ്യാറാക്കി. ഗ്രാമസഭ വിളിച്ചു കൂട്ടി വികസന സെമിനാര്‍ നടത്തി കൗണ്‍സിലിന്റെ തീരുമാനത്തോടെ അന്തിമ രൂപരേഖ തയ്യാറാക്കും. നഗരസഭ ചെയര്‍ പേഴ്‌സണ്‍ ഉമൈബ മൊയ്തീന്‍ കുട്ടി ഉദ്ഘാടനം ചെയ്തു. വൈസ് ചെയര്‍മാന്‍ പി.പി. ആലി അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയര്‍മാന്‍മാരായ എ.പി. ഹമീദ്, ബിന്ദു ജോസ് ,കെ. അജിത, അഡ്വ. പി.ജെ. ഐസക്ക്, സനിതാ ജഗദീഷ്, കൗണ്‍സിലര്‍ വി. ഹാരിസ്, ടി. രാജന്‍, മുന്‍സിപ്പല്‍ സെക്രട്ടറി കെ.ജി. രവീന്ദ്രന്‍, പ്ലാന്‍ കോ-ഓര്‍ഡിനേറ്റര്‍ പി. ജയചന്ദ്രന്‍, ജെക്കബ്ബ് ജോര്‍ജ്ജ് എന്നിവര്‍ സംസാരിച്ചു.
Thursday, January 30, 2025
വര്‍ക്കിംഗ് ഗ്രൂപ്പ് മീറ്റിംഗ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: