പൂതാടിയിൽ ഭരണമാറ്റത്തിന് സമയമായി-ബിജെപി

കേണിച്ചിറ- ഇരുപത് ശതമാനം ഫണ്ട് വിനിയോഗം മാത്രം നടത്തി പഞ്ചായത്തിലെ ജനങ്ങളെ വഞ്ചിച്ച ഭരണ സമിതി മാറുവാനുള്ള സമയമായെന്ന് ബി.ജെ.പി ജില്ല അധ്യക്ഷൻ സജി ശങ്കർ. ബി.ജെപി പഞ്ചായത്ത് കമ്മിറ്റി സംഘടിപ്പിച്ച കുത്തിയിരിപ്പ് സമരം ഉദ്ഘാടനം ചെയ്യുകയായിരുന്നു അദ്ധേഹം. .പൂതാടി പഞ്ചായത്ത് ഭരണ സമിതി അഴിമതിയുടെ കൂത്തരങ്ങായി മാറി. അനാശാസ്യ പ്രവർത്തനത്തിന് ആരോപണ വിധേയനയായ പഞ്ചായത്ത് മെമ്പർ രാജിവെക്കണം. ഭരണകക്ഷി മെമ്പർമാരുടെ തമ്മിലടിമൂലം പഞ്ചായത്തിൽ ഭരണസ്തംഭനമാണ്. അഴിമതിക്ക് കുടപിടിക്കുന്ന നിലപാടാണ് പഞ്ചായത്തിലെ കോൺഗ്രസ്സ് നേതൃത്വം സ്വീകരിക്കുന്നത് എന്നും അദ്ധേഹം കുറ്റപ്പെടുത്തി.പ്രകാശൻ നെല്ലിക്കര അധ്യക്ഷത വഹിച്ചു. കെ.പി മധു മുഖ്യ പ്രഭാഷണം നടത്തി.അരവിന്ദൻ പി.എം,കെ.എം പൊന്നു, അഖിൽ പ്രേം.സി, വി.കെ രാജൻ, എൻ.പി രാജീവ്, പി.കെ ഷൈജു, ഉഷകുമാരി, സ്മിത സജി, വസന്തകുമാരി, മിനി ശശി, സിനേഷ് കുമാർ, ഉണ്ണികൃഷ്ണൻ എം, സി.സി രാധാകൃഷ്ണൻ തുടങ്ങിയവർ സംസാരിച്ചു.