കോഴിക്കോട്: കേന്ദ്ര തൊഴില് ഉദ്യോഗ് മന്ത്രാലയത്തിന്റെ കീഴിലുള്ള ദേശീയ തൊഴില് സേവന കേന്ദ്രത്തിന്റെ നേതൃത്വത്തില് സംഘടിപ്പിച്ച തൊഴില് മേളയ്ക്കെത്തിയത് നൂറുകണക്കിന് ഉദ്യോഗാര്ത്ഥികള്. മലബാര് ക്രിസ്ത്യന് കോളജ് ഗ്രൗണ്ടില് സംഘടിപ്പിച്ച മേളയില് രജിസ്റ്റര് ചെയ്തത് 6100 ഓളം ഉദ്യോഗാര്ത്ഥികളാണ്. ഇതില് 1912 പേര്ക്ക് വിവിധ കമ്പനികളിലായി നിയമനം ലഭിച്ചു. 4000 ത്തോളം ഒഴിവുകളുമായാണ് 43 കമ്പനികള് തൊഴില് മേളയ്ക്ക് എത്തിയിരുന്നത്.
ഇന്നലെ രാവിലെ 8.30 ഓടെയാണ് തൊഴില് മേളയില് പങ്കെടുക്കാന് എത്തിയവരുടെ രജിസ്ട്രേഷന് ആരംഭിച്ചത്. ജില്ലക്കകത്തും പുറത്തുനിന്നുമായി നൂറുകണക്കിന് ഉദ്യോഗാര്ത്ഥികളാണ് അപ്പോഴേക്കും രജിസ്ട്രേഷനായി എത്തിയിരുന്നത്. സൗജന്യമായായിരുന്നു രജിസ്ട്രേഷന്. രജിസ്ട്രേഷന് നടത്തുന്ന ഉദ്യോഗാര്ത്ഥികള്ക്ക് നാല് സ്ഥാപനങ്ങളുടെ അഭിമുഖത്തില് പങ്കെടുക്കാനുള്ള അവസരമാണ് ഉണ്ടായിരുന്നത്. പങ്കെടുത്ത നാല് അഭിമുഖങ്ങള്ക്കു ശേഷവും ഇഷ്ടമുള്ള ജോലി ലഭിച്ചില്ലെങ്കില് വീണ്ടും രജിസ്ട്രേഷന് കൗണ്ടറില് നിന്ന് ഇന്റര്വ്യൂ പാസ് വാങ്ങാനുള്ള സൗകര്യം ഒരുക്കിയിരുന്നു.
സംസ്ഥാനത്തിന്റെ വിവിധ ഭാഗങ്ങളിലായി 41 ഓളം തൊഴില് മേളകളാണ് കേന്ദ്ര സര്ക്കാരിന്റെ നേതൃത്വത്തില് സംഘടിപ്പിക്കുന്നത്. അഞ്ചാമത്തെ മേളയാണ് ഇന്നലെ ക്രിസ്ത്യന് കോളജ് ഗ്രൗണ്ടില് നടന്നത്.
കേന്ദ്ര തൊഴില് ഉദ്യോഗ മന്ത്രാലയത്തിന് കീഴില് പ്രവര്ത്തിക്കുന്ന ദേശീയ തൊഴില് സേവന കേന്ദ്രം, കോഴിക്കോട്ടുള്ള മോഡല് കരിയര് സെന്റര്, നാഷണല് ഇന്സ്റ്റിറ്റിയൂട്ട് ഓഫ് ഇലക്ട്രോണിക്സ് ആന്റ് ഇന്ഫര്മേഷന് ടെക്നോളജി (നിലീറ്റ്)്, കൊച്ചിയിലെ സൊസൈറ്റി ഫോര് ഇന്റഗ്രേറ്റഡ് ഓഫ് ദി നേഷന് (സൈന്), കേരള ചേംബര് ഓഫ് കോമേഴ്സ് ആന്റ് ഇന്ഡ്ട്രീസ്, മലബാര് ക്രിസ്ത്യന് കോളജ് എന്നിവരുമായി ചേര്ന്നാണ് തൊഴി ല്മേള സംഘടിപ്പിച്ചത്.
അഞ്ചാം ക്ലാസ് വിദ്യാഭ്യാസ യോഗ്യത മുതല് ബിരുദാനന്തര ബിരുദം നേടിയിട്ടുള്ളവര്ക്ക് വരെ തൊഴിലവസരങ്ങള് മേളയില് ഉണ്ടായിരുന്നു.
കേന്ദ്ര സര്ക്കാരിന്റെയും കേരള സര്ക്കാരിന്റെയും വിവിധ വകുപ്പുകളിലെ ഉ ദ്യോഗസ്ഥന്മാര് അവരവരുടെ വകുപ്പുകള് ജനങ്ങള്ക്ക് വേണ്ടി ചെയ്യുന്ന ക്ഷേമ പദ്ധതികളെക്കുറിച്ച് വിശദീകരിക്കുന്ന അവസരവും തൊഴില് മേളയില് സജ്ജമാക്കിയിരുന്നു.
എം.കെ. രാഘവന് എംപി തൊഴില് മേള ഉദ്ഘാടനം ചെയ്തു. സൈ ന് പ്രസിഡന്റ് എ.എന് രാധാകൃഷ്ണല് അദ്ധ്യക്ഷത വഹിച്ചു. നിലീറ്റ് എക്സിക്യൂട്ടീവ് ഡയറക്ടര് ഡോ. എന്.പി. പിള്ള, ബിജെപി ജില്ലാ പ്രസിഡന്റ് ടി. പി. ജയചന്ദ്രന്, കൗണ് സിലര്മാരായ നവ്യഹരിദാസ്, പി. കിഷന്ചന്ദ്, ക്രിസ് ത്യന് കോളജ് പ്രിന്സിപ്പല് ഡോ. ഗോഡ്വിന് സാമ്രാജ്, ബിജെപി ജില്ലാ സെക്രട്ടറി അഡ്വ. സു ധീര്, സെഞ്ച്വറി ഗ്രൂപ്പ് ഉടമ ഹമീദ് ഹാജി, തുടങ്ങിയവര് പ്രസംഗിച്ചു. സബ് റീജ്യണല് എംപ്ലോയ്മെന്റ് ഓഫീസര് പി.ജി. രാമചന്ദ്രന് സ്വാഗതവും സൈന് സെക്രട്ടറി ടി.പി. മുരളീധരന് നായര് നന്ദിയും പറഞ്ഞു.
