മേപ്പാടി : വനംവകുപ്പ് പിടികൂടുന്ന വന്യജീവികളെ റോഡരികിലുള്ള വനപ്രദേശങ്ങളില്‍ തുറന്നുവിടുന്നതായി പരാതി. മേപ്പാടി-ചൂരല്‍മല റഡില്‍ കള്ളാടി മുതല്‍ ചുണ്ടയിലെ ഫോറസ്റ്റ് എയ്ഡ് പേസ്റ്റ് വരെയുള്ള വനത്തിലാണ് ജില്ലയിലെ പല ഭാഗത്തുനിന്നും പിടികൂടുന്ന പാമ്പുകളടക്കമുള്ള ജീവികളെ തുറന്നുവിടുന്നത്.
കാല്‍നടയാത്രക്കാരും നിരവധി വാഹനങ്ങളും ദിവസേന കടന്നുപോകുന്ന വഴിയാണിത്. സൂചിപാറ ഇക്കോ ടൂറിസം കേന്ദ്രത്തിലേക്കും ദിനംപ്രതി നൂറ് കണക്കിന് സഞ്ചാരികളാണ് ഇതിലേവരുന്നത്. സര്‍ക്കാര്‍ വനവാസികള്‍ക്ക് പതിച്ചുനല്‍കാന്‍ തീരുമാനിച്ചിട്ടുള്ള ഭൂമിയും പ്രദേശത്തുതന്നെയാണ്. ഭൂമി വിതരണം ചെയ്യാനുള്ള നടപടിക്രമങ്ങള്‍ പുരോഗമിക്കുന്ന സാഹചര്യത്തില്‍ വനംവകുപ്പ് തുറന്നുവിടുന്ന ജീവികള്‍ ഇവര്‍ക്ക് ദുരിതമായിത്തീരും. നാട്ടില്‍നിന്നും പിടികൂടുന്ന ജീവികളെ ഉള്‍ക്കാട്ടില്‍ വിടണമെന്നും ജനവാസകേന്ദ്രത്തിന് സമീപം തുറന്നുവിടുന്നത് പ്രതിഷേധാര്‍ഹമാണെന്നും നാട്ടുകാര്‍ പറഞ്ഞു.
പ്രതികരിക്കാൻ ഇവിടെ എഴുതുക: