കണിയാമ്പറ്റ : പാര്‍ശ്വവല്‍ക്കരിക്കപ്പെട്ടുകൊണ്ടിരിക്കുന്ന ദിവ്യാംഗരെ സമൂഹത്തിന്റെ മുഖ്യധാരയിലേക്ക് കൈ പിടിച്ചുയര്‍ത്തണമെന്ന് രാഷ്‌ട്രീയ സ്വയംസേവക് സംഘം ജില്ലാ സംഘചാലക് എംഎം ദാമോദരന്‍. കണിയാമ്പറ്റയില്‍ ജനിതക വൈകല്യങ്ങളാലുംമറ്റും ജീവിതദുരിതമനുഭവിക്കുന്ന ദിവ്യാംഗരുടെ ഉന്നമനത്തിനായി പ്രവര്‍ത്തിക്കുന്ന സക്ഷമ (സമദൃഷ്ടി ക്ഷമതാവികാസ് മണ്ഡല്‍) കേരളയുടെ ജില്ലാഘടകം ഉദ്ഘാടനംസംസാരിക്കുകയായിരുന്നു അദ്ദേഹം.
ദിവ്യാംഗര്‍ സമൂഹത്തിന്റെ ഭാഗമാണ്. അവരോട് കുറച്ച് കാരുണ്യം നാം കാണിക്കണം. പലപല കാരണങ്ങളാല്‍ കുറച്ച് കുറവുകള്‍ ഉണ്ടാകാമെങ്കിലും ലോകത്തിലെ ദിവ്യാംഗര്‍ പല മേഖലയിലും തങ്ങളുടെ കഴിവ് പ്രകടിപ്പിച്ചുകഴിഞ്ഞവരാണ്. അവരുടെ ക്ഷേമത്തിനും അവരെ സാമൂഹ്യ മുഖ്യധാരയിലെത്തിക്കുന്നതിനും നാം പ്രതിജ്ഞാബദ്ധമാണെന്നും അദ്ദേഹം പറഞ്ഞു.
.നീതി നിഷേധത്തിനിരയായി പാര്‍ശ്വവല്‍ക്കരിക്കപ്പെട്ടുകൊണ്ടിരിക്കുന്ന ദിവ്യാംഗരെ സമൂഹത്തിന്റെ മുഖ്യധാരയിലേക്ക് കൈ പിടിച്ചുയര്‍ത്തകയെന്നലക്ഷ്യത്തോടെ പ്രവര്‍ത്തിക്കുന്ന സംഘടനയാണ് സക്ഷമ.
കണിയാമ്പറ്റ നിവേദിത വിദ്യാനികേതന്‍ സ്‌കൂളില്‍ നടന്ന സക്ഷമയുടെ പ്രഥമ ജില്ലാ സമ്മേളനത്തില്‍ കെ.കൃഷ്ണന്‍ പ്രസിഡന്റായും സുരേന്ദ്രന്‍ കെല്ലൂര്‍ സെക്രട്ടറിയായും പതിനാലംഗ ജില്ലാസമിതിക്ക് രൂപം നല്‍കി. സക്ഷമ സംസ്ഥാന സെക്രട്ടറി വി.വി.പ്രദീപ്കുമാര്‍ മുഖ്യപ്രഭാഷണംനടത്തി. സംഘടന ദേശീയതലത്തില്‍ നടത്തിവരുന്ന നേത്രദാനപദ്ധതി, കോര്‍ണിയ അന്ധത മുക്ത ഭാരത്(രമായമ) എന്നിവയെകുറിച്ച് സംസ്ഥാന സംഘടനാ സെക്രട്ടറി പി.സുഭാഷിന്റെ നേതൃത്വത്തില്‍ ബോധവത്കരണ ക്ലാസുകളും നടത്തി.
പ്രതികരിക്കാൻ ഇവിടെ എഴുതുക: