കല്‍പ്പറ്റ : കല്‍പ്പറ്റ നഗരസഭ പ്രധാനമന്ത്രി ആവാസ് യോ ജന വഴി എല്ലാവര്‍ക്കും വീട് ലഭ്യമാക്കുന്ന പദ്ധതിക്ക് തുട ക്കം കുറിക്കുന്നു. പദ്ധതിയു ടെ ഭാഗമായുള്ള സര്‍വ്വെ പൂര്‍ത്തിയായി. നഗരസഭയിലെ എഡിഎസ് മുഖാന്തരം സര്‍വ്വേ നടത്തിയതിന്റെ അടിസ്ഥാനത്തില്‍ 2051 ആളെ കണ്ടെത്തി. ഇതില്‍ 1031 പേര്‍ക്ക് സ്വന്തമായി സ്ഥലമുണ്ട്. പദ്ധതിയുടെ ഒന്നാം ഘട്ടമെന്ന നിലയ്‌ക്ക് ഇപ്പോള്‍ സ്ഥലമുള്ള 261 കുടുംബങ്ങള്‍ക്ക് മൂന്ന് ലക്ഷം രൂപ നല്‍കി വീട് പണിക്ക് തുടക്കം കുറിക്കും. കേന്ദ്ര വിഹിതമായി ഒന്നരലക്ഷം രൂപയും സംസ്ഥാന വിഹിതമായ അന്‍പതിനായിരം രൂപയും നഗരസയുടെ അമ്പതിനായിരം രൂപയും വൃക്തികളുടെ അമ്പതിനായിരം രൂപയും വകയിരുത്തിയാണ് പദ്ധതി നടപ്പാക്കാന്‍ പോകുന്നത്. 2022 ഓടെ നഗരസഭയിലെ ഭൂരഹിത ഭവന രഹിതര്‍ക്കും സമ്പൂര്‍ണ്ണമായി വീട് നല്‍കാനാണ് ലക്ഷ്യം വെയ്‌ക്കുന്നത്. ഇതിന് വേണ്ടി നഗരസഭയുടെ വിഹിതമായ അഞ്ച് കോടി രൂപയാണ് മാറ്റി വെയ്‌ക്കുന്നത്. നഗരസഭ കാരാപ്പുഴ കുടിവെള്ള പദ്ധതിക്ക് വേണ്ടി അഞ്ച് കോടി രൂപ മാറ്റിവെക്കേണ്ടി വരികയും ഭവന പദ്ധതിക്കു വേണ്ടി അഞ്ച് കോടി മാറ്റി വെക്കുന്നതിലൂടെ സാമ്പത്തിക പ്രതിസന്ധി നേരിടുന്നുണ്ടെങ്കിലും കുടിവെള്ളത്തിനും പാര്‍പ്പിടത്തിനുമാണ് ഏറ്റവും പ്രാധാന്യം നല്‍കുന്നതെന്നും അധികൃതര്‍ പറഞ്ഞു.
പ്രധാനമന്ത്രി ആവാസ് യോജനയുടെ ഉദ്ഘാടനം നഗരസഭ ചെയര്‍ പേഴ്‌സണ്‍ ഉമൈബ മൊയ്തീന്‍ കുട്ടി നിര്‍വ്വഹിച്ചു. നഗരസഭ വൈസ് ചെയര്‍മാന്‍ പി.പി.ആലി അധ്യക്ഷത വഹിച്ചു. ക്ഷേമ കാര്യ കമ്മിറ്റി ചെയര്‍മാന്‍ എ.പി. ഹമീദ്, സ്റ്റാന്റിംഗ് കമ്മിറ്റി ചെയര്‍മാന്‍മാരായ കെ.അജിത, ബിന്ദു ജോസ്, സനിത ജഗദീഷ്, ഡി.രാജന്‍ വി.ഹാരിസ്, നഗരസഭ സെക്രട്ടറി കെ. ജി.രവീന്ദ്രന്‍,സലിം എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: