വിദ്യാലയങ്ങളിലൂടെ നല്ല കുട്ടികൾ വളർന്നുവരണം:പിഇബി മേനോൻ

തലപ്പുഴ:വിദ്യാലയങ്ങളിലൂടെ നല്ല കുട്ടികൾ വളർന്നുവരണമെന്ന് ആർഎസ്എസ് പ്രാന്തസംഘചാലക് പിഇബി മേനോൻ അഭിപ്രായപ്പെട്ടു.വെൺമണി ഹിന്ദു സർവീസ് സൊസൈറ്റിക്ക് കീഴിലുള്ള വെണ്മണി എഎൽപി സ്കൂളിന്റെ പുതിയകെട്ടിടസമുച്ചയത്തിന്റെ ശിലസ്ഥാപനം നിർവ്വഹിച്ച് സംസാരിക്കുകയായിരുന്നു അദ്ദേഹം.     വിദ്യാഭ്യാസം കച്ചവടവൽക്കരിക്കപ്പെടുന്ന ഈ കാലഘട്ടത്തിൽ നല്ല മനുഷ്യരായ കുട്ടികളെ വാർത്തെടുക്കുകയെന്നതാവണം വിദ്യാലയങ്ങളുടെ ലക്ഷ്യം.

തങ്ങളുടെമക്കളെ ഡോക്ടറോ എഞ്ചിനീയറോ ആക്കണമെന്നത് മാത്രമാണ് ഓരോ രക്ഷിതാവിന്റെയും ആഗ്രഹം.എന്നാൽ മാതാപിതാക്കളെയും ഗുരുജനങ്ങളെയും  പിറന്ന നാടിനെയും സ്നേഹിക്കുന്ന നല്ലമനുഷ്യരായി കുട്ടികൾ വളർന്നുവരണമെന്നും അപ്പോൾമാത്രമാണ്  ഈഗ്രാമത്തിനൊപ്പം ഈരാജ്യത്തിനും പുരോഗോതിയുണ്ടാവുകയുളുവെന്നും അദ്ദേഹം കൂട്ടിച്ചേർത്തു.വെൺമണി ഹിന്ദുസർവ്വീസ് സൊസൈറ്റി പ്രസിഡന്റ് സി.കെ.ബാലകൃഷ്ണൻ  അധ്യക്ഷതവഹിച്ചു.വികസനസമിതി ചെയർമാൻ ടി.കെ.കുമാരൻ,ഹിന്ദുസർവ്വീസ് സൊസൈറ്റി കോഡിനേറ്റർ ടി.സുബ്ബറാവു,സെക്രട്ടറി പി.രാജമുരളീധരൻ,ഗ്രാമപഞ്ചായത്ത് അംഗങ്ങളായ  എം.ജി.ബാബു,എൽസിതോമസ്,

ബിന്ദുവിജയകുമാർ, ഷീജബാബു, കത്രീന മംഗലത്ത്,

സ്കൂൾ ഹെഡ്മാസ്റ്റർ എ.സി.ജോൺ എന്നിവർ ആശംസകളർപ്പിച്ചു

ആർഎസ്എസ് ജില്ലാ സംഘചാലക് എം.എം.ദാമോദരൻമാസ്റ്റർ,ഹിന്ദുസർവ്വീസ് സൊസൈറ്റി രക്ഷാധികാരി എൻ.കെ.ബാലകൃഷ്ണൻമാസ്റ്റർ,

മാനന്തവാടി ഖണ്ഡ് സംഘചാലക് പി.പരമേശ്വരൻ എന്നിവർ ചടങ്ങിൽ സന്നിഹിതരായിരുന്നു.