കല്‍പ്പറ്റ : മുഖ്യമന്ത്രി പിണറായി വിജയന്‍ ഇന്ന് ജില്ല സന്ദര്‍ശിച്ച് വിവിധ പരിപാടികളില്‍ പങ്കെടുക്കും. രാവിലെ ഒമ്പതിന് വൈത്തിരിയില്‍ പൊതു സ്വീകരണം. 10ന് കല്‍പ്പറ്റ ടൗണ്‍ ഹാളില്‍ നടക്കുന്ന പട്ടികവര്‍ഗ്ഗ കലോത്സവം സന്ദര്‍ശിക്കും.
10.30ന് കല്‍പ്പറ്റ പുതിയ ബസ് സ്റ്റാന്റ് പരിസരത്ത് ജില്ലാ വികസന സെമിനാര്‍ ഉദ്ഘാടനം ചെയ്യും. 11.30ന് കല്‍പ്പറ്റ ഗവ.വൊക്കേഷണല്‍ ഹയര്‍ സെക്കണ്ടറി സ്‌കൂള്‍ അന്താരാഷ്‌ട്ര നിലവാരത്തിലേക്കുയര്‍ത്തുന്നതിന്റെ പ്രഖ്യാപനം. വൈകീട്ട് മൂന്നിന് ബത്തേരിയില്‍ സി.ഭാസ്‌കരന്‍ അനുസ്മരണം. 3.30ന് ഫാ.മത്തായി നൂറനാല്‍ അവാര്‍ഡ് വിതരണം.
4.30ന് കാട്ടിക്കുളം കമ്മ്യൂണിറ്റി ഹാള്‍ ഉദ്ഘാടനം. തുടര്‍ന്ന് തലപ്പുഴ പോലീസ് സ്റ്റേഷന്‍ പുതിയ കെട്ടിടം ഉദ്ഘാടനം. ചുമതലയേറ്റ ശേഷം മുഖ്യമന്ത്രിയുടെ ആദ്യ ജില്ലാ സന്ദര്‍ശനമാണിത്.
പ്രതികരിക്കാൻ ഇവിടെ എഴുതുക: