കോഴിക്കോട്: കൊളത്തൂര് അദൈ്വതാശ്രമത്തിന്റെ ആഭിമുഖ്യത്തില് നടക്കുന്ന സ്വാമി ചിദാനന്ദപുരിയുടെ ധര്മ്മപ്രഭാഷണ പരമ്പര ഇന്നു മുതലക്കുളം മൈതാനത്തു നടക്കും.
ധര്മ്മപ്രഭാഷണ പരമ്പരയുടെ ഉദ്ഘാടനം വൈകിട്ട് 5.30ന് ഋഷികേശ് കൈലാസാശ്രമം മഠാധിപതി മഹാമണ്ഡലേശ്വര് സ്വാമി ദിവ്യാനന്ദ സരസ്വതി നിര്വ്വഹിക്കും. ആശ്രമം ഏര്പ്പെടുത്തിയ വേദാന്തരത്നം പുരസ്കാരം സ്വാമി ദിവ്യാനന്ദ സരസ്വതിക്ക് ചടങ്ങില് സമര്പ്പിക്കും. അന്പത്തി ഒന്നായിരം രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം.
ആശ്രമത്തിന്റെ രജതജയന്തിയുടെ ഭാഗമായി നടപ്പാക്കാനുദ്ദേശിക്കുന്ന സേവാപ്രവര്ത്തനങ്ങളുടെ സാമ്പത്തികസ്വരൂപണത്തിനുവേണ്ടിയുള്ള നിധിസമാഹരണയജ്ഞത്തിന്റെ ഉദ്ഘാടനവും സ്വാമി ദിവ്യാനന്ദ സരസ്വതി നിര്വ്വഹിക്കും.
വാഴൂര് തീര്ത്ഥപാദാശ്രമത്തിലെ പ്രജ്ഞാനാനന്ദ തീര്ത്ഥപാദ സ്വാമി ചടങ്ങില് അദ്ധ്യക്ഷത വഹിക്കും. സ്വാമി ചിദാനന്ദപുരി ആമുഖഭാഷണം നടത്തും. പ്രവ്രാജിക മാതൃക പ്രാണാ മാതാ(ശ്രീശാരദ മഠം, കോഴിക്കോട്), സ്വാമി പ്രശാന്താനന്ദ സരസ്വതി (പ്രജ്ഞാനം മായന്നൂര്), സ്വാമി വിശ്വരൂപാനന്ദ സരസ്വതി (ദയാനന്ദാശ്രമം, ചാത്തമംഗലം), സ്വാമി വിനിശ്ചലാനന്ദ (ശ്രീരാമകൃഷ്ണ മിഷന്), ബ്രഹ്മചാരി വിവേകാമൃത ചൈതന്യ (മാതാ അമൃതാനന്ദ മയീ മഠം), ബ്രഹ്മചാരി മുകുന്ദ ചൈതന്യ (ചിന്മയ മിഷന്) എന്നീ ആചാര്യര് അനുഗ്രഹഭാഷണം നടത്തും.
13 മുതല് ഭഗവദ്ഗീതയിലെ മൂന്നാം അദ്ധ്യായത്തെ (കര്മ്മയോഗം) അധികരിച്ചുള്ള പ്രഭാഷണ പരമ്പര നടക്കും.
ദിവസവും വൈകിട്ട് 6.00 മുതല് 8.00 വരെ നടക്കുന്ന പരിപാടിയില് സംശയനിവാരണത്തിനുള്ള അവസരവുമുണ്ടായിരിക്കും. 18 വരെയാണ് പ്രഭാഷണ പരമ്പര.
