കൊട്ടാരക്കര: കുളിക്കടവില് കുഴഞ്ഞുവീണു മരിച്ച വിനോദിന് ആവശ്യമായ സഹായം ചെയ്യാന് ക്ഷേത്രജീവനക്കാര് തയാറാകാത്തതില് പ്രതിഷേധിച്ച് ബിജെപി ദേവസ്വം അഡ്മിനിസ്ട്രേറ്റീവ് ഓഫീസറെ ഉപരോധിച്ചു. കിളിമാനൂര് ചൊട്ടയില് കുന്നുവിള വീട്ടില് വിനോദാണ് സബരിമലയിലേക്കുള്ള യാത്രാമധ്യേ കൊട്ടാരക്കരയില് മരണപ്പെട്ടത്. ക്ഷേത്രത്തില് ദര്ശനത്തിനെത്തിയ ഭക്തനെ അത്യാഹിതം സംഭവിച്ചിട്ടും ആശുപത്രില് എത്തിക്കാനോ സഹായം ചെയ്യാനോ തയാറാകാത്തതില് പ്രതിഷേധിച്ചായിരുന്നു ഉപരോധം. ഭക്തരുടെ പണത്തില് മാത്രമാണ് ബോര്ഡിന് താല്പര്യമെന്നും ക്ഷേമകാര്യത്തില് ഇടപെടാന് ബോര്ഡ് തയ്യാറാകാത്തത് പ്രതിഷേധാര്ഹമാണന്നും സമരത്തിന് നേതൃത്വം നല്കിയ ജില്ലാസെക്രട്ടറി വയയ്ക്കല് സോമനും, കെ.ആര്.രാധാകൃഷ്ണനും പറഞ്ഞു. ക്ഷേത്രത്തില് എത്തുന്ന ഭക്തരുടെ സുരക്ഷയില് ബോര്ഡിനും ക്ഷേത്രഭാരവാഹികള്ക്കും ഉത്തരവാദിത്വമുണ്ടന്നും കടമ നിര്വഹിക്കാന് അവര് തയ്യാറാകണമെന്നും സോമന് പറഞ്ഞു. സമരത്തെ തുടര്ന്ന് സം’വത്തിന്റെ ഗൗരവം ബോര്ഡിനെ ധരിപ്പിച്ചിട്ടുണ്ടന്നും ദേവസ്വം ബോര്ഡ് പ്രസിഡന്റ് ഇടപെട്ടു മരിച്ച വിനോദിന്റെ കുടുംബത്തിന് സഹായം നല്കാമെന്ന് ഉറപ്പ് നല്കിയെന്നും അറിയിച്ചതോടെയാണ് സമരം അവസാനിച്ചത്. നേതാക്കളായ അരുണ്, രഞ്ജിത്, ദീപു എന്നിവര് നേതൃത്വം നല്കി.
പ്രതിഷേധവുമായി ബിജെപി രംഗത്ത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.